Вы тут

Гродзенская капэла адкрыла 30-ы канцэртны сезон музыкай Дворжака


Заслужаны калектыў Рэспублікі Беларусь выступіў у абласным драмтэатры з праграмай, якая прымеркавана да 180-гадовага юбілею чэшскага кампазітара Антоніна Дворжака. Наступны канцэрт Гродзенскай капэлы адбудзецца ў кастрычніку і будзе прысвечаны творчасці Шастаковіча.


У наступным годзе споўніцца 30 гадоў з таго часу, як у Гродне ўзнік унікальны музычыны калектыў. Ён складаецца з сімфанічнага і духавога аркестраў, камернага хору, ансамбля салістаў. Ніводная ўрачыстасць горада не абыходзіцца без гэтага знакамітага калектыву. Яго кіраўнік, заслужаны артыст Рэспублікі Беларусь Уладзімір Борматаў неаднаразова станавіўся лаўрэатам прэміі імя Аляксандра Дубко, самай прэстыжнай узнагароды Гродзеншчыны ў сферы культуры і мастацтва. А сам калектыў — лаўрэат многіх міжнародных і рэспубліканскіх конкурсаў. 

Юбілейны сезон абяцае быць даволі насычаным і разнастайным. А пачаць яго вырашылі музыкай Антоніна Дворжака, які вельмі папулярны ва ўсім свеце, а вось на беларускай сцэне выконваецца не часта. Між тым яго творчасць, лічыць кіраўнік капэлы, адпавядае менталітэту беларусаў. Гродзенская капэла ўпершыню прысвяціла чэшскаму кампазітару цэлую праграму. Яе кульмінацыяй стала сімфонія № 9 пад назвай «З новага свету». 

Наступны канцэрт пад назвай «Планета Шастаковіча» адбудзецца 13 кастрычніка. Як зазначыў Уладзімір Борматаў, Дзмітрыю Шастаковічу даступны розныя жанры. Ён выдатны філосаф у музыцы. Адначасова складаны і даступны. Гэта тыя якасці, якія прыдатны сапраўднаму генію.

— Мы імкнёмся выхаваць у людзей смак да музыкі, паказаць слухачу яе адвечную каштоўнасць, як эстэтычнае ўспрыманне музычнага твора эмацыянальна трансфармуецца ва ўсе сферы жыцця чалавека. Сусветны рытм паскараецца, у людзей усё менш магчымасцяў захаваць спакой. Класічная музыка выхоўвае гарманічныя адносіны да навакольнага сусвету, раўнавагу, цярпенне, інтэлектуальныя і талерантныя адносіны адзін да аднаго. Да класікі прыходзяць як да Бога. Магчыма, гэта адбываецца не ў маладосці, але менавіта ў той момант калі зяўляюцца ўласныя свядомыя каштоўнасці. Гэта ўжо дарослае і мудрае рашэнне, — так акрэсліў кіраўнік капэлы сваё бачанне музыкі. 

Юбілейны, 30-ы сезон Гродзенскай капэлы прадоўжыцца з верасня 2021 па чэрвень 2022 года. За гэты час пройдзе дзясяткі канцэртаў як усяе капэлы, так і яе асобных падраздзяленняў. 

Маргарыта УШКЕВІЧ

Фота grodnonews

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.