Астанкі 377 чырвонаармейцаў перапахавалі ў Светлагорскім раёне, паведамляе Гомельская абласная арганізацыя АСВОД.
Маштабныя пошукавыя працы праходзілі на тэрыторыі раёна з красавіка па чэрвень. У іх былі задзейнічаны прадстаўнікі 52-га асобнага пошукавага спецыялізаванага батальёна пры садзейнічанні пошукавага атрада «Эстафета памяці». «Раскопкі дазволілі аднавіць гістарычную і чалавечую справядлівасць», — распавялі ў АСВОД.
Атрымалася падняць астанкі 377 байцоў і камандзіраў Чырвонай арміі, якія аддалі жыццё за Перамогу. Цырымонія іх перапахавання ў брацкую магілу прайшла ўчора каля вёскі Вялікі Бор.
Камандзір пошукавага атрада «Эстафета памяці» пры Гомельскай абласной арганізацыі АСВОД Раман Цярэшчанка запэўніў: для членаў яго атрада задача па пошуку байцоў — гэта не проста агульначалавечы доўг, але і асабісты.
У рэгіёне працягваюць аднаўляць гістарычную ісціну.
Прэв'ю: pixabay.com
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.