Вы тут

Прэзідэнцкі спартыўны клуб і Specіal Olympіcs на новым этапе супрацоўніцтва


Клуб рады падставіць плячо Беларускаму камітэту «Спешыял Алімпікс», пад эгідай якога праходзяць розныя мерапрыемствы ў падтрымку развіцця ў Беларусі інклюзіўнага падыходу праз уключэнне людзей з асаблівасцямі здароўя ў спорт і здаровы лад жыцця. Пра гэта заявіў кіраўнік Прэзідэнцкага спартыўнага клуба Дзмітрый Лукашэнка падчас наведвання рэспубліканскага футбольнага турніру з удзелам жаночых каманд.


Фота:  Special Olympics Belarus

«Гэта не першы сумесны праект Прэзідэнцкага спартыўнага клуба з Беларускім камітэтам «Спешыял Алімпікс». Пад эгідай гэтай арганізацыі праводзіцца шмат важных мерапрыемстваў, таму наш клуб заўсёды рады падставіць плячо дапамогі. Скажу на будучыню: у перспектыве будзе падпісаны двухбаковы мемарандум аб супрацоўніцтве», — адзначыў Дзмітрый Лукашэнка.

Беларускі камітэт «Спешыял Алімпікс» праводзіць маштабную работу па сацыяльнай рэабілітацыі людзей з асаблівасцямі інтэлекту праз заняткі спортам. Штогод ладзяцца рэгіянальныя і рэспубліканскія спаборніцтвы па футболе, баскетболе, настольным тэнісе, плаванні, лёгкай атлетыцы і іншых алімпійскіх відах спорту. Арганізоўваюцца трэніроўкі і адборачныя спаборніцтвы для падрыхтоўкі зборнай Рэспублікі Беларусь да Еўрапейскіх і міжнародных спецыяльных Алімпійскіх гульняў.

Сёлета ў аграгарадку Ула Бешанковіцкага раёна прайшоў футбольны турнір сярод жаночых каманд, якія трэніруюцца па сістэме Specіal Olympіcs. Спаборніцтвы былі прымеркаваныя да стагоддзя заснавальніцы руху Юніс Кенэдзі Шрайвер.

У 2010 годзе на базе Ульскага ліцэя імя Льва Даватара быў адкрыты цэнтр прафесійнай і сацыяльнай рэабілітацыі дзяцей з асаблівасцямі развіцця. На працягу многіх гадоў навучэнцы цэнтра прадстаўляюць Беларусь на міжнародных спаборніцтвах Specіal Olympіcs. Прэзідэнцкі спартыўны клуб прывёз дзецям разнастайнае абсталяванне і інвентар для ўмацавання спартыўнай базы ліцэя.

Валерыя СЦЯЦКО

Выбар рэдакцыі

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.

Грамадства

Хто рызыкуе захварэць на рак малочнай залозы?

Хто рызыкуе захварэць на рак малочнай залозы?

На першым месцы — спадчынны фактар.  

Грамадства

Чаму важна аднаўляць балотныя экасістэмы?

Чаму важна аднаўляць балотныя экасістэмы?

Балоты непарыўна звязаныя з культурай і гісторыяй беларускага народу. 

Здароўе

Чаму беларусы не спяшаюцца прышчапляцца?

Чаму беларусы не спяшаюцца прышчапляцца?

Праз які час праводзіць рэвакцынацыю ад COVІD-19 і ці патрэбна яна ўвогуле?