У жыхароў вёскі Бабічы Чачэрскага раёна цяпер час нарыхтоўкі бульбы. А як збіраць бульбяны ўраджай без традыцыйнага лазовага кошыка? Сёлета на Чачэршчыне, і асабліва ў навакольных лясах Бабічаў, шмат грыбоў — баравікоў, лісічак, бабак і падасінавікаў, якія, лічы, самі просяцца ў кошык. Вядома, без лёгенькага і зграбнага кошыка тут не абысціся. У вёсцы шмат майстроў, якім сплесці звычайны кош не складае ніякіх праблем. І адзін з такіх умельцаў — пенсіянер, былы дырэктар мясцовай школы Аляксей Маркоўскі. Наогул, Аляксей Данілавіч — натура творчая: любіць маляваць, упрыгожваць свой двор інсталяцыямі на тэму прыроды, за гэта ён названы найлепшым гаспадаром у раёне. Плесці кошыкі Аляксей Данілавіч навучыўся яшчэ хлапчуком, а цяпер гэтае рамяство прыносіць сапраўднае задавальненне, асалоду.
Анатоль КЛЯШЧУК
Фота аўтара
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
