У Барселоне падчас масавых гулянняў пацярпелі больш за 40 чалавек

Не менш 43 чалавек пацярпелі мінулай ноччу падчас масавых гулянняў у Барселоне, паведамляе БелТА, са спасылкай на іспанскую газету Diario

Па інфармацыі выдання, мясцовыя ўлады ў другую ноч правядзення фестывалю Ла Мерсе заявілі аб 20 выпадках затрымання, 13 ўзброеных нападах і двух падпаленых аўтамабілях грамадзянскай гвардыі. Толькі да раніцы паліцыі ўдалося канчаткова разагнаць тых, хто сабраўся. Па дадзеных службы хуткай дапамогі, ноччу прыйшлося задзейнічаць сем спецыялізаваных падраздзяленняў. Тры дзясяткі пацярпелых былі дастаўлены ў бальніцу, яшчэ 14 чалавек атрымалі дапамогу на месцы боек і сутыкненняў з паліцыяй.

Фестываль Ла Мерсе праходзіць у каталонскай сталіцы ў канцы верасня і доўжыцца некалькі дзён. Ён суправаджаецца масавымі шэсцямі па вуліцах і выбудоўваннем «жывых вежаў» з людзей.

Прэв'ю: pexels.com