У Гомелі вынесены прысуд за забойства з асаблівай жорсткасцю

Гомельскім абласным судом пастаўлены прысуд па крымінальнай справе пра забойства з асаблівай жорсткасцю, паведамілі ў абласным судзе.

Судовая калегія па крымінальных справах Гомельскага абласнога суда разгледзела крымінальную справу па п.6 ч.2 арт.139 КК.

У пачатку красавіка гэтага года абвінавачваны, будучы п’яны, у адной з вёсак Гомельскага раёна пасварыўся з мужчынам. «У ходзе канфлікту дзейнічаў з асаблівай жорсткасцю, нанёс яму не менш як 9 удараў нажом і не менш за 14 удараў рукамі, а таксама вострымі прадметамі па розных частках цела. Пацярпеламу былі нанесены цяжкія цялесныя пашкоджанні, якія прывялі да яго смерці», — распавялі ў судзе.

Суд прызнаў мужчыну вінаватым у забойстве, учыненым з асаблівай жорсткасцю. Яму прызначана пакаранне ў выглядзе 15 гадоў пазбаўлення волі з адбываннем у папраўчай калоніі ва ўмовах узмоцненага рэжыму. Таксама да абвінавачанага ў адпаведнасці са ст.107 КК ужыта прымусовае лячэнне ад хранічнага алкагалізму.

Прысуд у законную сілу не ўступіў і можа быць абскарджаны і апратэставаны ва ўстаноўленым заканадаўствам парадку.

Прэв'ю: pixabay.com