Вы тут

У Літве памерла 11-гадовае дзіця, якое жыло ў лагеры для мігрантаў


У літоўскім горадзе Рукле памерла 11-гадовае дзіця, якое жыло ў Цэнтры прыёму бежанцаў. Як паведамляе Delfi, у рэдакцыю партала паступіла відэа, аўтар якога сцвярджае, што дзіця было забіта паліцэйскімі, перадае БелТА.


«Паліцыя забіла дзіця ў лагеры ў Рукле, а яго бацька быў арыштаваны пры спробе ўцячы ў Германію», — паведамленне і відэа такога зместу паступілі ў рэдакцыю Delfi позна ўвечары 25 верасня. Таксама ёсць звесткі, што супраць дзіцяці быў прыменены электрашокер.

Адзначаецца, што ў той жа дзень у Рукле, дзе пражываюць некалькі соцень нелегальных мігрантаў, адбыліся беспарадкі. На відэазапісах, якія былі зняты самімі мігрантамі, відаць, што супрацоўнікі Службы грамадскай бяспекі Літвы прымяняюць слёзатачывы газ. У выніку пратэст быў падаўлены, а некалькі мігрантаў, якія спрабавалі ўцячы, былі затрыманы і вернуты ў лагер.

Прэс-сакратар Галоўнага камісарыята паліцыі Каўнаскага павета Адэта Вайткявічэне пацвердзіла, што ў Рукле былі беспарадкі. Аднак яна заявіла: у яе няма даных аб тым, што супраць хлопчыка выкарыстоўваўся электрашокер.

Паводле слоў дырэктара Цэнтра прыёму бежанцаў у Рукле Беатрычэ Бернатэне, дзіця памерла ў выніку хваробы. Паводле яе слоў, бацька хлопчыка звярнуўся да работніка цэнтра і паведаміў, што стан дзіцяці пагоршыўся. «Наш супрацоўнік адразу ж выклікаў хуткую дапамогу, якая адвезла дзіця разам з бацькам у медыцынскую ўстанову, дзе пазней, як высветлілася, дзіця памерла», — сказала Беатрычэ Бернатэне.

Раней у замежных СМІ паведамлялася аб цяжкіх умовах жыцця мігрантаў у літоўскіх лагерях, якія параўноўваюцца ў прэсе з канцлагерамі. Так, паводле інфармацыі іспанскага выдання Las Republicas, такія лагеры будуюцца пасярод лесу, дзе людзі сутыкаюцца з недахопам ежы, ізаляцыяй, рознымі захворваннямі, цяжкімі ўмовамі надвор’я, здзеклівым абыходжаннем. У цэнтрах для мігрантаў неаднаразова адбываліся беспарадкі.

Прэв’ю: pixabay.com

Выбар рэдакцыі

У свеце

На краі бездані. Чаму Латвію захліснула пандэмія?

На краі бездані. Чаму Латвію захліснула пандэмія?

У Латвіі ўведзены жорсткі лакдаўн, каб прыпыніць распаўсюджванне COVІD-19.

Эканоміка

З «шэрымі» выплатамі цяпер лепш не рызыкаваць

З «шэрымі» выплатамі цяпер лепш не рызыкаваць

КДК выявілі 30 злачынстваў па выплаце зарплаты ў канвертах.

Эканоміка

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.