Пра гэта інфармуе прэс-служба Міністэртсва лясной гаспадаркі. У гэтым годзе яна будзе прымеркаваная да Года народнага адзінства і ахопіць усе рэгіёны краіны.
На працягу дня валанцёры змогуць дапамагчы лясгасам ў ліквідацыі несанкцыянаваных звалак, уборцы будаўнічых і бытавых адходаў, добраўпарадкаванні прыдарожных палос, а таксама лясных масіваў паблізу населеных пунктаў і памятных месцаў.
Стаць часткай акцыі можа любы ахвотны, для гэтага трэба звярнуцца ў бліжэйшы лясгас або лясніцтва і заявіць пра сваё жаданне.
Як і ў папярэднія гады, асаблівы акцэнт у рамках акцыі плануецца зрабіць на рабоце з дзецьмі і карыстальнікамі сацыяльных сетак. Так, кожнае дзіця, якое прыме ўдзел у акцыі, атрымае ад лясгасаў невялікі сувенір. Каштоўныя падарункі чакаюць і аўтараў самых крэатыўных фота- і відэа, размешчаных у сацыяльных сетках пад хэштэгамі #ЧыстыЛес2021 і #ЧистыйЛес2021.
У 2020 годзе ўдзел у акцыі «Чысты лес» прынялі амаль 39 тысяч чалавек. Толькі за суткі валанцёры разам з работнікамі лясной гаспадаркі прыбралі каля 4,5 тысячы кубаметраў смецця і захламленасці, навялі парадак уздоўж прыдарожных палос, добраўпарадкавалі месца паблізу мемарыяльных комплексаў і памятных знакаў. Дадаткова было высаджана больш за 1,3 мільёна дрэў.
Сяргей РАСОЛЬКА
Прэв’ю: pixabay.com
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!