Хто стаў на шлях экстрэмізму не спыніцца ні перад чым. Аб гэтым заявіў прэм’ер-міністр Беларусі Раман Галоўчанка, перадае БелТА.
«Не магу не закрануць рэзанансную падзею, якая адбылася ўчора ў Мінску і, безумоўна, узрушыла ўсю краіну. У ходзе правядзення спецыяльных мерапрыемстваў па барацьбе з экстрэмізмам і тэрарызмам загінуў супрацоўнік спецпадраздзялення КДБ, адданны воінскай прысязе і службоваму абавязку. Гэта вялікая трагедыя для сям’і, якая страціла мужа, бацьку, карміцеля, для калег па службе, якія страцілі баявога таварыша. Мы смуткуем разам з роднымі і блізкімі», — сказаў Раман Галоўчанка.
Ён падкрэсліў, што са здарэння трэба зрабіць высновы. «Тыя, хто стаў на шлях экстрэмізму, не спыняцца ні перад чым. І аб гэтым нас папярэджваў кіраўнік дзяржавы 30 ліпеня на сустрэчы з актывам краіны. Тады ён сказаў, што дэструктыўныя сілы ўзялі на ўзбраенне тактыку змоў, спроб тэрактаў, куратары якіх знаходзяцца за мяжой. Таму ў якасці адной з найважнейшых мер па ажыццяўленні бяспекі ў цяперашніх умовах Прэзідэнт абазначыў умацаванне дысцыпліны на ўсіх узроўнях і ва ўсіх сферах дзейнасці. Гэта ў роўнай ступені датычыцца не толькі выканальніцкай, але і вытворчай і тэхналагічнай дысцыпліны», — адзначыў прэм’ер-міністр.
Савет Міністраў выказвае шчырыя спачуванні родным і блізкім супрацоўніка Камітэта дзяржаўнай бяспекі, які загінуў пры выкананні службовых абавязкаў.-
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.