Вы тут

Прадстаўнікі ЦВК Беларусі будуць назіраць за выбарамі ва Узбекістане


Аб гэтым паведаміў на брыфінгу часовы павераны ў справах Узбекістана ў Беларусі Рахматула Назараў.


Выбары прэзідэнта Узбекістана пройдуць 24 кастрычніка. 23 ліпеня стартавала выбарчая кампанія. Усе пяць палітычных партый, якія афіцыйна дзейнічаюць у краіне, — Экалагічная, Дэмакратычная «Мілій цікланіш» («Нацыянальнае адраджэнне»), Ліберальна-дэмакратычная, Народна-дэмакратычная (НДПУ) і Сацыял-дэмакратычная «Адалат» («Справядлівасць») — зарэгістравалі ў ЦВК сваіх кандыдатаў. Сярод іх — дзеючы прэзідэнт Шаўкат Мірзіёеў, які, да слова, выйграў мінулыя выбары ў 2016 годзе з вялікім адрывам ад палітычных супернікаў. Агітацыйная перадвыбарчая кампанія кандыдатаў пачалася 20 верасня. 

«Узбекістан накіроўваў праз МЗС запрашэнне ў беларускі ЦВК больш за месяц таму, адправіць назіральнікаў да нас на выбары. Мяркуецца, што з боку Беларусі будзе пяць чалавек », — заўважыў Рахматула Назараў. 

Усяго ў 37 краінах свету створана 54 выбарчых участка пры дыпламатычных і іншых прадстаўніцтвах Узбекістана за мяжой. У гэтым годзе выбары ўпершыню праводзяцца ў першую нядзелю трэцяй дэкады кастрычніка. 

Грамадзяне Узбекістана змогуць аддаць свой голас у пасольстве Узбекістана ў Беларусі. Таксама будуць арганізаваныя мабільныя ўрны па ўсёй рэспубліцы. «На сённяшні дзень у Беларусі навучаецца шмат нашых студэнтаў, таму будуць арганізаваны мабільныя урны, дзе можна аддаць свой голас. Плануем ахапіць усе рэгіёны рэспублікі, пачнем з Гомельскай вобласці, а потым працягнем у Наваполацку, дзе навучаецца больш за 100 студэнтаў з Узбекістана », — адзначыў Рахматула Назараў.

Пётр ДУНЬКО

Прэв’ю: БелТА

Выбар рэдакцыі

Грамадства

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

Як адзначыла старшыня Савета Рэспублікі Нацыянальнага сходу Наталля Качанава, Вялікая Айчынная вайна і ўсё, што звязана з ёй, — святое.

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.