Вы тут

Стымул за вакцынацыю: ад грошай да дадатковых выхадных


Здаецца, апекавацца аб уласным здароўі і сваіх блізкіх трэба самастойна без дадатковых стымулаў, але, як паказвае практыка, такі крок з боку наймальнікаў таксама апраўданы: лепш заахвоціць работнікаў зараз, чым потым калектыў цалкам «зляжа» на бальнічны. Такую ініцыятыву прапанавалі ў ФПБ, і многія прадпрыемствы на яе адгукнуліся. 


— Яшчэ ў жніўні Федэрацыя прафсаюзаў пачала кампанію па правядзенні ў арганізацыях і на прадпрыемствах дадатковых мерапрыемстваў, накіраваных на стымуляванне работнікаў да праходжання вакцынацыі і ў цэлым на прафілактыку захворвання, — адзначылі ў прэс-службе нацыянальнага прафцэнтра. — І на сёння на многіх прадпрыемствах прынятыя канкрэтныя рашэнні для таго, каб матываваць людзей клапаціцца пра сваё здароўе і здароўе сваіх блізкіх ва ўмовах неспрыяльнай эпідэміялагічнай сітуацыі. Дзесьці такія рашэнні зафіксаваныя ў калектыўнай дамове, дзесьці рэалізуюцца шляхам выдання загаду кіраўніка. Прычым такія прыклады ёсць практычна ва ўсіх галінах, у тым ліку і бюджэтных.

Так, у многіх выпадках у калектыўныя дагаворы ўнесены нормы аб выплаце матэрыяльнай дапамогі работнікам, якія прайшлі поўны курс вакцынацыі. Сумы выплат залежаць ад магчымасцяў арганізацый і могуць складаць як адну базавую (29 рублёў), так і звыш 300 рублёў. Напрыклад, у калектыўныя дагаворы КУП «Мінсккамунцепласетка», ААТ «Мінскі завод колавых цягачоў» унесена норма аб выплаце работнікам з гэтай нагоды 200 рублёў. У ААТ «Навагрудскі завод газавай апаратуры» — больш за 300 рублёў. Адкуль грошы? Гэтыя выдаткі бяруць на сябе наймальнік і прафсаюз.

Таксама шмат выпадкаў замацавання такога стымулу, як прадстаўленне дадатковых выхадных дзён пасля вакцынацыі. Напрыклад, у ААТ «БМЗ» работнікам для вакцынацыі прапануюць да двух выходных дзён з захаваннем сярэдняга заробку. 

Не выключана і комплексная падтрымка, калі работніку адначасова даецца матэрыяльная дапамога і дадатковыя выхадныя. Такія падыходы прыняты ў Смаргонскім доследным лясгасе, ВКУП «Зелянбуд» раёнаў Мінска і іншых арганізацыях. А вось у ААТ «ААБ Беларусбанк» аб’яўлены розыгрыш прызоў сярод вакцынаваных, арганізатарам якога выступіла прафсаюзная арганізацыя.

Як падкрэслілі ў ФПБ, прафсаюзы на месцах будуць дамагацца пашырэння такой практыкі, каб такіх прыкладаў было як мага больш. 

Акрамя таго, на месцах працягваецца работа па арганізацыі аздараўлення работнікаў, у тым ліку тых, хто перахварэў на каранавірус. Прафкамы сумесна з наймальнікамі прымаюць рашэнні аб аплаце часткі кошту пуцёўкі ў санаторыі. І пры гэтым яшчэ і санаторыі Федэрацыі прафсаюзаў даюць усім членам арганізацыі і іх непаўналетнім дзецям 25-працэнтную зніжку.

Вольга АЛЯКСАНДРАВА

Прэв’ю: pixabay.com

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.