Круглы стол «Сацыяльная палітыка Саюзнай дзяржавы» прайшоў у гарадской ратушы Мінска. У ім узялі ўдзел актывісткі Беларускага саюза жанчын і регіянальнага аддзялення Агульнарасійскай грамадска-дзяржаўнай арганізацыі «Саюз Жанчыны Расіі» — «Жаночы альянс»
— Мы сабраліся абмеркаваць надзённыя пытанні нашага супрацоўніцтва, — сказала першы намеснік міністра аховы здароўя, старшыня Беларускага Саюза жанчын Алена БОГДАН. — А гэта напрамкі сацыяльнага ўзаемадзеяння і развіцця нашых дзяржаў, накіраванасць кіраўніцтва нашых дзяржаў на кожнага чалавека, на забеспячэнне мер сацыяльнай падтрымкі сем’яў, у тым ліку маладых, а таксама адзінокіх і пажылых людзей.
Абмяркуем магчымыя шляхі ўзаемадзеяння і супрацоўніцтва, сумесныя праекты па жаночым лідарстве і развіцці прадпрымальніцтва.
З 29 верасня па 2 кастрычніка актывісткі Саюза жанчын Расіі знаходзяцца ў Беларусі па запрашэнні Беларускага саюза жанчын.
Жанчыны абменьваюцца вопытам і абмяркоўваюць надзённыя праблемы, з якімі сутыкаюцца абедзве краіны. Беларускім Саюзам жанчын і Саюзам жанчын Расіі падпісана пагадненне аб супрацоўніцтве. Старшыня Санкт-Пецярбургскага рэгіянальнага аддзялення Агульнарасійскай грамадска-дзяржаўнай арганізацыі «Саюз жанчын Расіі» — «Жаночы альянс» Алена КАЛІНІНА падчас свайго выступу адзначыла, што жанчыны дзвюх краін выступаюць за тое, каб будучыня дзяцей, дзяржаў, народаў была стабільнай, пад мірным небам, было прадказальнай і каб дабрабыт сем’яў толькі рос.
Дзяржаўны сакратар Саюзнай дзяржавы Дзмітрый МЕЗЕНЦАЎ раней, у прывітальным слове да ўдзельніц круглага стала «Жанчыны ЗА Саюзную дзяржаву. Гістарычная культурная і духоўная еднасць народаў Беларусі і Расіі», які праходзіў учора ў Мірскім замку, адзначыў, што Саюз жанчын Беларусі і Саюз жанчын Расіі з’яўляюцца адным з найбольш значных інстытутаў грамадзянскай супольнасці дзвюх краін. Аб’яднанні займаюцца пытаннямі дэмаграфічнай бяспекі, абаронай мацярынства і дзяцінства, традыцыйных сямейных каштоўнасцяў, рэалізуюць перспектыўныя праекты, накіраваныя на павышэнне грамадскага статусу, прафесійнай і сацыяльнай актыўнасці жанчын і іх ролі ў палітычным, эканамічным, сацыяльным і культурным жыцці краін.
Дзмітрый Мезенцаў таксама падкрэсліў, што падобныя сустрэчы ўзбагачаюць расійска-беларускія інтэграцыйныя сувязі, будуць садзейнічаць умацаванню сяброўства паміж Беларуссю і Расіяй.
Наталля ТАЛІВІНСКАЯ
Фота аўтара
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.