Вы тут

Клопат аб пажылых — прыярытэт сацыяльнай палітыкі


Беражлівае стаўленне да пажылых людзей — менталітэт беларускага народа, і мы можам гэтым ганарыцца, заявіла старшыня Пастаяннай камісіі па працы і сацыяльных пытаннях Палаты прадстаўнікоў Людміла Канановіч.


— Падтрымка старэйшага пакалення — прыярытэтны кірунак сацыяльнай палітыкі ў нашай краіне. Усіх нас аб'ядноўваюць традыцыя і каштоўнасць — клопат аб пажылых людзях, — адзначыла парламентарый.

Яна падкрэсліла, што ўдзельная вага пажылых грамадзян расце. У свеце кожную хвіліну два чалавекі адзначаюць сваё шасцідзесяцігоддзе. У нашай краіне каля 15 % грамадзян ва ўзросце 65 гадоў і старэй, і Беларусь — таксама старэючая краіна. У краінах былога СССР па гэтым паказчыку лідзіруе Украіна, там 22-24 % пажылых людзей, а вось у Таджыкістане — усяго 5,8 %. У Італіі, Партугаліі, Грэцыі, Германіі ўжо сёння ўдзельная вага людзей сталага веку складае 30 %. І гэта агульнасусветная тэндэнцыя.

— Наша задача — на дзяржаўным узроўні забяспечыць жыццяздольную, гнуткую і эфектыўную сістэму сацыяльнай абароны і актыўнага даўгалецця. На выкарыстанне патэнцыялу пажылых людзей і змякчэнне наступстваў старэння насельніцтва і накіравана Нацыянальная стратэгія Беларусі «Актыўнае даўгалецце — 2030», якая была прынята ў канцы мінулага года. Яе мэта — фарміраванне грамадства для ўсіх узростаў, стварэнне ўмоў для найбольш эфектыўнай рэалізацыі пажылых грамадзян, — звярнула ўвагу Людміла Канановіч.

Для падтрымкі пажылых людзей у краіне сфарміравана сетка ўстаноў сацыяльнага абслугоўвання. У Беларусі працуюць 146 цэнтраў сацыяльнага абслугоўвання насельніцтва і 83 дамы-інтэрнаты. У пажылых людзей з актыўнай жыццёвай пазіцыяй запатрабаваны мерапрыемствы ў тэрытарыяльных цэнтрах. Каля дзвюх тысяч пажылых грамадзян і самі становяцца валанцёрамі: аказваюць дапамогу людзям сталага ўзросту.

У Беларусі жыве 14 тысяч ветэранаў і асоб, якія пацярпелі ад наступстваў Вялікай Айчыннай вайны, а таксама 129 тысяч адзінокіх пажылых грамадзян. Штогод праводзіцца работа па абследаванні ўмоў, у якіх пражываюць гэтыя людзі, у іх цікавяцца, якая патрэбна дапамога, і аказваюць яе. Сёлета 21 ліпеня быў прыняты Указ кіраўніка дзяржавы № 281 «Аб выплаце матэрыяльнай дапамогі асобным катэгорыям грамадзян да Дня Перамогі», і з 2022 года такія выплаты будуць праводзіцца штогадова. Могуць атрымліваць пажылыя грамадзяне і адрасную дапамогу. Летась яе атрымалі каля 130 тысяч непрацаздольных грамадзян, агульная сума выплат склала каля 60 мільёнаў рублёў.

Алена КРАВЕЦ

Прэв’ю: pixabay.com

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.