Вы тут

Чым цікавяцца беларусы ў юрыста і адваката


Афармленне спадчыны, адчужэнне нерухомай маёмасці, сведчанне дагавораў дарэння. А таксама ільготы для шматдзетных сямей, спагнанне аліментаў, выдзяленне арэнднага і сацыяльнага жылля. Гэта асноўныя пытанні, якія задавалі ўдзельнікі акцыі па бясплатнаму юрыдычнаму кансультаванню, прымеркаванай да Дня састарэлых, натарыусам і адвакатам краіны.


Да натарыусаў 1 кастрычніка звярнулася амаль дзве тысячы чалавек. Пры гэтым найбольшую зацікаўленасць праявілі брэстчане — для іх правялі 431 кансультацыю. 2 кастрычніка натарыусы Беларусі ўзялі ўдзел у Міжнароднай акцыі па бясплатнаму кансультаванню, якая праводзілася пад эгідай Міжнароднага саюза натарыусаў, і ў межах мерапрыемства прынялі яшчэ 684 грамадзяніна, адзначыла прэс-сакратар Міністэрства юстыцыі Вольга ШЫБКО:

— Нягледзячы на эпідэміялагічную сітуацыю і адпаведныя карэктывы нашага жыцця, яно не спынілася. Юрысты, як і раней, аказваюць кваліфікаваную юрыдычную дапамогу грамадзянам і арганізацыям і ладзяць бясплатныя акцыі па ўсёй краіне. Сустрэчы з людзьмі адбываюцца як на асабістых прыёмах спецыялістаў, так і праз “прамыя тэлефонныя лініі”, а таксама месэнджары ў сацыяльных сетках.

Грамадзян, якія звярнуліся да натарыусаў па кансультацыю, турбуе таксама сведчанне завяшчанняў, складанне і сведчанне шлюбных дагавораў, здзяйсненне выканаўчых надпісаў.

Адвакаты, якія таксама ўдзельнічалі ў акцыі па бясплатнаму кансультаванню, у Дзень састарэлых далі парады 305 чалавекам. Усяго ж сёлета юрыдычную дапамогу ў выглядзе кансультацый ад адвакатаў атрымалі 1385 грамадзян. Апроч пытанняў ільгот для шматдзетных сямей і сямей, дзе выхоўваецца дзіця-інвалід, беларусы цікавяцца ў адваката адказнасцю наймальніка за затрымку разліку і магчымасцю датэрміновага скасавання кантракта.

Ірына СІДАРОК

Прэв’ю: pixabay.com

Выбар рэдакцыі

Грамадства

Феномен Максіма Багдановіча

Феномен Максіма Багдановіча

«Я ж кажу вам: добра быць коласам; але шчаслівы той, каму дадзена быць васільком. Бо нашто каласы, калі няма васількоў?»

Палітыка

Бяспраўе і несправядлівасць. Куды ўлады вядуць палякаў?

Бяспраўе і несправядлівасць. Куды ўлады вядуць палякаў?

Старшыня кіруючай кансерватыўнай партыі Польшчы «Права і справядлівасць» (ПіС) Яраслаў Качыньскі выказаўся наконт палітыкі Германіі.

Грамадства

Правільнае харчаванне дадому: даніна модзе або клопат аб здароўі?

Правільнае харчаванне дадому: даніна модзе або клопат аб здароўі?

Калі сфера дастаўкі гатовага харчавання перажыла бурны рост з пачаткам пандэміі, калі з офісаў вельмі многія перамясціліся ў кватэры, а пах

Палітыка

У адказе за гістарычную памяць

У адказе за гістарычную памяць

«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».