Вы тут

Як стаць шчаслівай і спакойнай маці? Парады псіхолага


Калі жанчына заўсёды ў клопатах i праблемах, то яна наўрад цi можа выхаваць і выгадаваць шчаслівае і самадастатковае дзіця. Мацi жыццёва неабходна клапаціцца пра сябе. Бо шчаслівым дзіця можа быць толькі ў задаволенай мацi. Менавіта таму дзеля шчасця дзяцей знайдзіце свой рэцэпт шчасця!


Важна: Калі ў вас няма настрою, і ўзнікае жаданне павысіць голас, пакрычаць, то гэта першы сігнал недахопу энергіі. Значыць ваша батарэя на нулi.

Мацi, якая стамілася, паводзіць сябе не зусім адэкватна, і гэта нязменным чынам адбіваецца на дзецях: іх настроі, здароўi, самаацэнцы. Мацi, перш за ўсё, павінна быць са здаровай і стабільнай псіхікай. Таму менавіта вашы інтарэсы стаўце на 1 –е месца! Акрамя таго, гэта дапаможа пражываць сваё жыццё паўнавартасна.

Для гэтага неабходна:

  • Добра спаць. Здаровы сон вельмі важны. Бо недасып паглынае вялiкую колькасць энергіі. Вядома, ж з маленькімі дзецьмі гэта не заўсёды ўдаецца. Тым не менш старайцеся свой графік складаць так, каб надаваць сну неабходны час.
  • Пазітыўнае асяроддзе. Наша асяроддзе аказвае на нас вялiкi ўплыў. Так ці інакш мы становімся падобнымі да тых людзей, з якімі маем зносіны. Старайцеся атачаць сябе тымі, хто будзе цягнуць вас вышэй. Бо вакол і без таго ёсць людзі, якія цягнуць нас ўніз.
  • Займайцеся спортам. Нават звычайная штодзённая ранішняя зарадка пазбаўляе ад стрэсу, павышае вынослівасць і выпрацоўвае гармоны радасці - эндарфіны. Усяго 15 хвілін на дзень паменшаць пачуццё стомленасці, пазбавяць ад разбітасці і ляноты. Увогуле, гэтыя хвiлiны дапамогуць адчуваць сябе значна лепш.
  • Пазбягайце зносін з таксічнымі людзьмі. Бо гэта людзі, якія распаўсюджваюць адзін негатыў вакол сябе. А менавіта: ліхасловяць, крытыкуюць, папракаюць і крыўдзяць. Навязваючы сваё негатыўнае ўспрыманне, яны забіраюць вашу энергію. Пасля размовы з імі вы будзеце адчуваць сябе знясіленымі. А гэта зусім не тое, што вам трэба.

 

  • Часцей радуйцеся дробязям: Радавацца дробязям - самае правільнае рашэнне, якое трэба прымаць некалькі раз на дзень! Пражывайце сваё жыццё свядома - тут і цяпер. Чалавек, які ўмее па-сапраўднаму заўважаць лепшае ў самых простых рэчах, шчыра шчаслівы. Зніжайце тэмп, рабіце ўсё не спяшаючыся. Калі не атрымліваць асалоду ад жыцця зараз, то, калі?
  • Не збірайце негатыў. Кожная эмоцыя павінна быць пражыта. Адчуваць гнеў - нармальная рэакцыя. Але важна даваць яму правільны выхад, - так, каб гэта не было разбуральна для вас і навакольных. Кажыце адкрыта, але ў спакойным тэмпе, што менавіта вам не падабаецца і як бы вы хацелі. Памятайце, што дрэнным настроем мы толькі сабе шкодзім, становімся раздражняльнымі і агрэсіўнымі. А гэта нам, жанчынам, зусім і не ласуе.

  • Займайцеся творчасцю. Для жанчыны мець сваё захапленне проста неабходна. Творчасць дапамагае раскрыць жаночы патэнцыял, напаўняе энергіяй на душэўным, эмацыйным і фізічным узроўні. Да ўсяго іншага, жаночае хобі адцягне ад паўсядзённых клопатаў, стрэсавых думак і дапаможа расслабіцца. А гэта тое, што нам неабходна, каб пазбавіцца ад паўсядзённай мітусні.

  • Прасіце часцей дарыць любімага кветкі! Бо для нас, жанчын, гэта прыемна. Не ўсе мужчыны разумеюць, як звычайныя кветкі могуць лёгка зняць стрэс і падняць настрой, адчуць сябе каханай і жаданай.

Важна: Дзецям патрэбна спакойная, здаровая, поўная сіл маці. Менавіта таму важна вольны час праводзіць з максімальнай карысцю для сябе.

Эмацыйны стан мацi мае вялiкую ролю ў фарміраванні характару дзіцяці. Дзеці становяцца задаволенымі тады, калі ў матулі ўсё добра. Калі вы не ў рэсурсе, то абавязкова будзеце зрывацца на сваiх дзецях. Калі вы напоўнены энергіяй, то будзеце адчуваць сябе бадзёрай і задаволенай. У першую чаргу, вашым дзецям выгадна, каб вы былі ў багацці. Бо, чым больш шчасліва жывуць бацькі, тым больш шчаслівымi становяцца дзецi.

Алена ШАЎЧЭНКА

Фота: pexels.com

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.