Вы тут

Пра «даходы ў канвертах»


Цяпер ні для кога не сакрэт, што падатковыя органы валодаюць вялікай колькасцю даных, пачынаючы з інфармацыі аб набыцці транспартных сродкаў, нерухомай і іншай маёмасці, аб даходах работнікаў у нашай краіне, а акрамя таго, яны атрымліваюць звесткі аб грашовых пераводах, якія паступаюць з-за мяжы. У гэтым ведамстве створана спецыяльная група экспертаў, якія бяруць інфармацыю аб даходах і параўноўваюць яе з рэальнымі выдаткамі асобнага далёка не беднага грамадзяніна.


Далей аналітыкі дзейнічаюць даволі проста. Падатковы орган самастойна без выкліку індывіда аналізуе гэтыя атрыманыя звесткі, і калі ўсталёўваецца перавышэнне расходаў над даходамі на суму не менш як за 250 базавых велічынь (7250 рублёў), то гэта ўжо з’яўляецца падставай для выпатрабавання дэкларацыі аб даходах і маёмасці і далейшае правядзенне праверкі.

Так, напрыклад, інспекцыяй МПЗ па Кастрычніцкім раёне горада Гродна праведзена камеральная праверка адпаведнасці выдаткаў і даходаў у дачыненні да грамадзяніна, які з’яўляецца кіраўніком і заснавальнікам двух суб’ектаў гаспадарання, якія ажыццяўлялі дзейнасць у галіне грузаперавозак, а таксама аптовага гандлю аўтазапчасткамі. На падставе аналізу наяўных у падатковым органе звестак, дадзеныя арганізацыі сістэматычна выплачвалі работнікам заработную плату ніжэй мінімальнага гарантаванага ўзроўню і, як следства, мелі рызыку ўтойвання падатковай базы па падаходным падатку і выплаты заработнай платы «ў канвертах».

У ходзе праверкі ўстаноўлены факты неаднаразовага прадастаўлення правяраемым грамадзянінам пазык на разліковыя рахункі названых арганізацый на суму больш за 60 тысяч рублёў. Акрамя таго, ім не раз ажыццяўляліся буйныя выдаткі на набыццё нерухомасці і транспартных сродкаў. З улікам дадзеных абставін устаноўлена перавышэнне расходаў над даходамі ў памеры 50 тысяч рублёў, і па выніках праверкі прад’яўлены падаходны падатак у суме 12,1 тысяч рублёў.

У цэлым у першым паўгоддзі гэтага года, прааналізаваўшы інфармацыю аб даходах, расходах і маёмасным становішчы шэрагу грамадзян, былі запатрабаваныя дэкларацыі аб даходах і маёмасці тых, у якіх выдаткі значна перавышалі атрыманыя даходы.

Як адзначылі ў галоўным упраўленні развіцця падатковых органаў Міністэрства па падатках і зборах нашай краіны, па выніках праверкі такіх дэкларацый, 812 чалавек не змаглі пацвердзіць легальнасць паходжання даходаў. У сувязі з гэтым ім прад’яўлена да аплаты 3,5 млн рублёў, з якіх толькі ў бюджэт паступіла 2,1 млн рублёў.

Сяргей КУРКАЧ

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.