Вы тут

Сталі вядомыя падрабязнасці пастановы Саўміна аб мерах супраць экстрэмізму і рэабілітацыі нацызму


Прэм’ер-міністр Беларусі Раман Галоўчанка 12 кастрычніка падпісаў пастанову Савета Міністраў № 575 «Аб мерах процідзеяння экстрэмізму і рэабілітацыі нацызму», паведамілі БелТА ў прэс-службе ўрада.


Згодна з дакументам, суб’екты процідзеяння экстрэмізму і рэабілітацыі нацызму накіроўваюць у МУС не радзей за адзін раз у паўгоддзе інфармацыю аб прымяненні адпаведных мер. Зацвярджаюцца формы, па якіх МУС вядзе пералікі арганізацый, фарміраванняў, індывідуальных прадпрымальнікаў, грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці. Гэтыя пералікі размяшчаюцца на афіцыйным сайце МУС.

У пастанове рэгламентуецца маніторынг выканання заканадаўства аб недапушчэнні рэабілітацыі нацызму. Пры выяўленні парушэнняў суб’екты маніторынгу інфармуюць органы ўнутраных спраў, дзяржбяспекі, пракурора для вырашэння пытання аб прыняцці мер процідзеяння рэабілітацыі нацызму.

Таксама дакумент зацвярджае палажэнне аб ацэнцы сімволікі і атрыбутыкі, інфармацыйнай прадукцыі на прадмет наяўнасці ў іх прыкмет праявы экстрэмізму і палажэнне аб рэспубліканскай камісіі па правядзенні названай ацэнкі, якая ствараецца пры Міністэрстве інфармацыі. У абласцях таксама будуць створаны адпаведныя камісіі. Падставай для правядзення ацэнкі будзе зварот дзяржорганаў, якія ажыццяўляюць процідзеянне экстрэмізму. Рашэнне камісіі прымаецца простай большасцю галасоў пры вочным (на пасяджэнні) альбо завочным (з дапамогай пісьмовага апытання) галасаванні. Узначаліць рэспубліканскую камісію намеснік старшыні Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Лілія Ананіч, яе намеснікам будзе намеснік міністра інфармацыі Ігар Бузоўскі. Сярод членаў камісіі — прадстаўнікі дзяржаўных органаў і арганізацый, спецыялісты па сацыялогіі, філасофіі, філалогіі, псіхалогіі.

Пастанова Савета Міністраў № 575 «Аб мерах процідзеяння экстрэмізму і рэабілітацыі нацызму» уступае ў сілу пасля яе афіцыйнага апублікавання.

Прэв’ю: pixabay.com

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.