Камітэт дзяржкантролю Гродзенскай вобласці сумесна з рэгіянальным УДФР КДК спыніў супрацьпраўную схему па перавозцы медыцынскага кіслароду, арганізаваную службовымі асобамі камерцыйнага прадпрыемства, паведамляе БелТА са спасылкай на КДК.
Прадпрыемства аказвала паслугі па перавозцы медыцынскага кіслароду для медустаноў Гродна, аднак усе дакументы па выкананых работах афармляліся ад імя індывідуальнага прадпрымальніка, які ўжываў спрошчаную сістэму падаткаабкладання. Пры гэтым прадпрымальнік не меў для аказання падобных паслуг ні аўтамабіляў, ні работнікаў адпаведнай кваліфікацыі. У выніку выкарыстання незаконнай схемы камерцыйная структура недаплаціла больш Br88 тыс падаткаў.
Пасля незаконна атрыманыя грошы былі легалізаваныя: за іх службовыя асобы прадпрыемства набылі аўтамабільную стаянку для выкарыстання ў камерцыйнай дзейнасці.
Распачатыя крымінальныя справы.
Прэв’ю: pixabay.com
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.