Са студзеня па верасень пасажыры Беларускай чыгункі набылі праз тэрміналы самаабслугоўвання больш чым 4,3 мільёна білетаў на цягнікі з ненумераванымі месцамі. Гэта склала больш за 10 працэнтаў ад агульнай колькасці пасажыраў гарадскіх ліній і рэгіянальных ліній эканом класа, паведамляе прэс-цэнтр магістралі.
Тэрміналы самаабслугоўвання, прызначаныя для самастойнага афармлення праязных дакументаў, — прыклад эфектыўнага выкарыстання бязлюдных тэхналогій. У цяперашні час на станцыях і прыпыначных пунктах Беларускай чыгункі ўстаноўлена 188 прылад самаабслугоўвання, у тым ліку 97 тэрміналаў новага тыпу — у іх маецца як магчымасць аплаціць білет наяўнымі грашыма і атрымаць рэшту, так і разлічыцца з дапамогай аплатных картак (банкаў рэзідэнтаў і нерэзідэнтаў Рэспублікі Беларусь), у тым ліку бескантактных. На прыладах новага тыпу можна аформіць квіткі на трох мовах — беларускай, рускай і англійскай.
Беларуская чыгунка рэкамендуе пасажырам выкарыстоўваць дыстанцыйныя каналы пакупкі білетаў — з дапамогай тэрміналаў самаабслугоўвання і праз інтэрнэт. Таксама з улікам эпідэміялагічнай сітуацыі магістраль нагадвае — пры праездзе ў цягніках, знаходжанні на вакзалах і іншых аб’ектах чыгуначнага транспарту нашэнне масак з’яўляецца абавязковым.
Сяргей РАСОЛЬКА
Прэв’ю: pixabay.com
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.