Абноўленае падраздзяленне Міністэрства па надзвычайных сітуацыях будзе абслугоўваць сам пасёлак, у якім пражывае звыш шасці тысяч чалавек, населеныя пункты на тэрыторыі Радашковіцкага сельскага Савета, а таксама найбліжэйшыя вёскі Мінскага раёна. Акрамя таго, у зоне адказнасці пажарнага дэпо — школы, медыцынскія ўстановы, прадпрыемствы, размешчаныя на тэрыторыі пасёлка.
— Адкрыццё падраздзялення МНС у Радашковічах — вынік планамернай работы, — адзначыў намеснік старшыні Мінаблвыканкама Аляксандр КРУЧАНАЎ. — Сёння на месцы старой часці, якая не адпавядала тэмпам развіцця і патрабаванням рэгіёна ў плане забеспячэння пажарнай бяспекі людзей, мы бачым новы будынак, укамплектаваны сучаснай тэхнікай, што дазволіць дастаткова аператыўна рэагаваць на ўсе надзвычайныя сітуацыі. На наступны год мы запланавалі адкрыццё пажарнага дэпо ў Беразіне.
Як запэўніў першы намеснік міністра па надзвычайных сітуацыях Аляксандр ХУДАЛЕЕЎ, у хуткім часе ратавальнікі дакажуць, што кожны жыхар можа разлічваць на аператыўную дапамогу. «Для асабовага складу створаны камфортныя ўмовы нясення службы, падтрымкі добрай фізічнай формы, а гэта дазваляе ратавальнікам павышаць эфектыўнасць баявой работы, выконваць задачы па абароне жыцця і здароўя людзей», — адзначыў прадстаўнік ведамства.
Абноўленае падраздзяленне ўкамплектавана сучаснай пажарнай аварыйна-ратавальнай тэхнікай і абсталяваннем. Безумоўна, усё гэта дазволіць яшчэ больш аператыўна рэагаваць на надзвычайныя здарэнні. Праўда, лепш, каб іх увогуле не было.
Вераніка КАНЮТА
Фота Мінскага абласнога ўпраўлення МНС
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».