Вы тут

Амаль два дзесяткі эскпертных дакладаў у анлайн і афлайн фармаце прадставілі ўдзельнікі форуму па ўстойліваму развіццю ў Гомелі


Сустрэча арганізаваная ў рамках дзеючага пад эгідай ПРААН праекта па дасягненню Мэтаў устойлівага развіцця. 


Фота аўтара

Спікерамі форуму выступілі прадстаўнікі органаў улады, адказных ведамстваў, навучальных устаноў і грамадскіх арганізацый. Да ўдзельнікаў сустрэчы ў Гомелі па відэасувязі з Мінска звярнуўся нацыянальны каардынатар па дасягненню Мэтаў устойлівага развіцця, намеснік Старшыні Савета Рэспублікі Нацыянальнага сходу Беларусі Анатоль Ісачанка.

— Наш народ ведае, чаго вартыя такія каштоўнасці, як мір і спакой. Мы змаглі сфарміраваць нацыянальную мадэль, якая абараняе інтарэсы простага чалавека. Нягледзячы на выклікі — беспрэцэдэнтны знешні ціск на Беларусь, спробы ўмяшання — пытанні стварэння камфортных умоў для нашых грамадзян працягваюць заставацца прыярытэтнымі. І ў буйным абласным цэнтры, і ў невялікім пасёлку кожны беларус павінен мець камфортныя ўмовы пражывання. Важна стварыць развітую сацыяльную інфраструктуру, — адзначыў Анатоль Ісачанка.

Выступленні экспертаў форуму ад Гомельскай вобласці распачаў намеснік кіраўніка рэгіянальнай групы па ўстойліваму развіццю, намеснік старшыні Гомельскага аблвыканкама Уладзімір Прывалаў. Ён падкрэсліў, што арганізаваная сустрэча — чарговае пацверджанне выканання парадку дня ў галіне ўстойлівага развіцця на ўсіх узроўнях. 

— Галоўны падыход пры рэалізацыі Мэтаў устойлівага развіцця — нікога не пакінуць па-за ўвагай. З аднаго боку, гэта захаванне інтарэсаў кожнага, з другога — усё павінны быць прыцягнутыя да рэалізацыі Мэтаў устойлівага развіцця. Іх дасягненне немагчыма без канструктыўнага ўзаемадзеяння дзяржавы, грамадства, дзелавых колаў і арганізацый. Вынік шмат у чым залежыць ад гатоўнасці ўнесці свой уклад у агульную справу, — звярнуў увагу Уладзімір Прывалаў. 

Як было адзначана, Гомельшчына мае відавочныя дасягненні ў рэалізацыі Мэтаў устойлівага развіцця — робіць значны ўнёсак у развіццё эканомікі, сацыяльнай сферы і экалогіі. Прынамсі, у структуры рэспубліканскіх аб’ёмаў прамысловасці, сельскай гаспадаркі, гандлю і іншых паказчыкаў паўднёва-ўсходні рэгіён займае ад 15-20 і больш працэнтаў. Актыўна развіваецца сацыяльная сфера. Сярод новых сацыяльна значных аб"ектаў — школы ў Гомелі, сучасны дзіцячы сад у Мазыры, абсталяваная па апошнім слове тэхнікі дзіцячая абласная бальніца, Гомельская цэнтральная гарадская паліклініка, аддзяленне рэабілітацыі ў Гомельскім доме-інтэрнаце для дзяцей-інвалідаў.

— Абмен вопытам — важны элемент кансалідацыі паспяховых прыкладаў і практык, якія ў далейшым могуць быць інтэграваныя ў рэгіянальныя стратэгіі развіцця з улікам лакальных асаблівасцяў і прыярытэтаў, — зазначыў у сваім выступленні Уладзімір Прывалаў. — Дасягненне ўстойлівага эканамічнага росту, фарміраванне здаровага ладу жыцця, укараненне рацыянальных мадэляў вытворчасці і спажывання — прыярытэтныя задачы, якія неабходна сумесна вырашаць.

Між тым значная ўвага ў рабоце форуму была нададзеная абмеркаванню праектаў развіцця тэрыторый, пацярпелых у выніку катастрофы на ЧАЭС. Сёння на Гомельшчыне рэалізуецца шостая рэспубліканская праграма:

— Калі першая праграма больш тычылася аднаўлення тэрыторый, цяпер у прыярытэце — іх сацыяльна-эканамічнае развіццё. Грошы ўкладваюцца ў вытворчыя аб’екты, будаўніцтва жылля, правядзенне газаправода, развіццё інжынерна-транспартнай і сацыяльнай інфраструктуры. Гэта спрыяе стварэнню новых працоўных месцаў і агульнаму паляпшэнню стану эканомікі дадзеных раёнаў. У гэтым напрамку мы маем намер рухацца і далей, — акцэнтаваў увагу начальнік упраўлення жыллёва-камунальнай гаспадаркі і па праблемах ліквідацыі наступстваў катастрофы на ЧАЭС Гомельскага аблвыканкама Дзмітрый Руткоўскі.

Наталля КАПРЫЛЕНКА

Выбар рэдакцыі

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер

Крызіс на мяжы. Уся аператыўная інфармацыя на чацвер

Аператыўная інфармацыя з беларуска-польскай мяжы.