Вы тут

У Мінску распрацавалі брашуру з QR-кодам для зручнага пошуку пунктаў вакцынацыі


Мінскі гарадскі камітэт БРСМ сумесна з Мінгарвыканкамам распрацавалі брашуру, якая ўтрымлівае інструкцыю па выкананні санітарна-супрацьэпідэмічных мер і QR-код са спасылкай на поўны пералік сталічных пунктаў вакцынацыі. Аб гэтым паведамляе БелТА са спасылкай на першага сакратара Мінскага гарадскога камітэта БРСМ Рамана Бандарука.


«Камітэт са свайго боку пастараўся стварыць усе ўмовы для таго, каб сталічныя жыхары вакцынаваліся. У гандлёвых цэнтрах, крамах і нават на рынку падчас акцыі „COVID-патруль“ працуюць валанцёры „Добрага сэрца“, якія распавядаюць жыхарам і гасцям Мінска пра важнасць нашэння масак і вакцынавання, арыентуюць, дзе можна прышчапіцца па месцы жыхарства і знаходжання. Калі пры старце праекта яны працавалі толькі тры дні на тыдзень у вячэрні час, то з сённяшняга дня — з аўторка па нядзелю. Таксама сумесна з Мінгарвыканкамам мы распрацавалі брашуру. Яна змяшчае інструкцыю па выкананні санітарна-супрацьэпідэмічных мер і QR-код, па якім можна знайсці ўсе пункты вакцынацыі горада Мінска. Яе пачнуць раздаваць у грамадскіх месцах з сённяшняга дня», — распавёў Раман Бандарук.

Па яго словах, валанцёры таксама дапамагаюць паліклініках сталіцы ў дастаўцы рэцэптаў людзям пажылога ўзросту. Ініцыятыва дазваляе скараціць колькасць пенсіянераў ва ўстановах аховы здароўя і прадухіліць іх заражэнне каранавіруснай інфекцыяй.

Прэв’ю: pixabay.com

Выбар рэдакцыі

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў.