З 26 па 29 кастрычніка пройдзе 27-я Міжнародная спецыялізаваная выстава «Дрэваапрацоўка-2021»

19.10.2021 14:11

Яе арганізатар — ЗАТ «Мінскэкспа». Выстава пройдзе ў Футбольным манежы (г. Мінск, пр. Пераможцаў, 20/2).

На сённяшні дзень - гэта буйнейшы ў Беларусі агляд машын і абсталявання для лясной і дрэваапрацоўчай прамысловасці, стымулюючы развіццё айчыннага лесапрамысловага комплексу.

Тэматыка выставы:

дрэваапрацоўчая і мэблевая вытворчасць - тэхналогіі, абсталяванне, інструмент;
сталярнае і цяслярскае рамяство - машыны, інструменты і прылады;
лакафарбавыя матэрыялы, клеі, шпатлёўкі, хімічныя сродкі абароны драўніны;
лесанарыхтоўчыя работы - машыны і абсталяванне;
лесапільная тэхніка, сушыльнае абсталяванне;
транспартныя сродкі, упакоўка, складская гаспадарка і лагістыка;
цэлюлозна-папяровая вытворчасць;
кантрольна-вымяральныя прыборы і інструмент;
сродкі аўтаматызацыі тэхналагічных працэсаў;
прадукцыя дрэваапрацоўкі: піламатэрыялы, мэблевыя нарыхтоўкі; паркет; транспартная тара; фанера, шпон; пліты сталярныя, пластыкі драўняныя; пліты драўняна-стружкавыя, драўняна-кудзелістыя, МДФ;
драўлянае домабудаванне – дамы, лазні, альтанкі з брусу, бярвёны, каркасныя дамы, клееныя драўляныя канструкцыі (у тым ліку кроквенныя сістэмы, калоны, бэлькі, сценавыя панэлі), камплектуючыя дэталі інтэр'еру (у тым ліку падлогі, дзвярныя і аконныя блокі, лесвіцы), тэрасы, насцілы, вонкавая ашалёўка;
ахова навакольнага асяроддзя, утылізацыя і рэгенерацыя адходаў;
ахова працы і пажарная бяспека. спецвопратка;
навуковыя даследаванні, літаратура, адукацыя.

Біяэнергетыкі — міжнародны спецыялізаваны салон:

тэхналогіі і абсталяванне для вытворчасці і спальвання розных відаў біяпаліва: цвёрдага драўнянага паліва (пелет, брыкетаў), біягазу і вадкага біяпаліва (біяэтанолу, біядызелю), торфу;
аднаўляльныя крыніцы энергіі, біямаса, біяпрацэсы.

У праграме выставы: канферэнцыі, семінары, дзелавыя сустрэчы, прэзентацыі айчынных і замежных фірмаў.

Сяргей РАСОЛЬКА