Вы тут

Супрацоўнікі БДУ і Беларускага дзяржаўнага медуніверсітэта ўдастоены дзяржаўных узнагарод


Супрацоўнікі Беларускага дзяржаўнага універсітэта і Беларускага дзяржаўнага медыцынскага ўніверсітэта ўдастоены дзяржаўных узнагарод. Адпаведны ўказ Прэзідэнт Беларусі Аляксандр Лукашэнка падпісаў 19 кастрычніка, паведамілі ў прэс-службе беларускага лідара.


Ордэны, медалі і ганаровыя званні прысвоены за шматгадовую плённую навукова-педагагічную дзейнасць, высокі прафесіяналізм, значны асабісты ўклад у падрыхтоўку высокакваліфікаваных спецыялістаў, ўкараненне вынікаў навуковых даследаванняў у вытворчасць, развіццё беларускай культуры і выхаванне творчай моладзі, дасягненні ў сферы навукі, аховы здароўя і медыцыны.

Галоўны навуковы супрацоўнік лабараторыі хіміі кандэнсаваных асяроддзяў Навукова-даследчага інстытута фізіка-хімічных праблем БДУ Алег Івашкевіч і прафесар кафедры матэматычнай кібернетыкі БДУ Віктар Карзюк ўдастоены ордэна Айчыны III ступені.

Ордэнам Пашаны ўзнагароджаны загадчык кафедры канстытуцыйнага права БДУ Рыгор Васілевіч, загадчык кафедры філасофіі і метадалогіі навукі БДУ Анатоль Зелянкоў, загадчык кафедры біялагічнай хіміі БДМУ Анатоль Таганович і загадчык 2-й кафедры хірургічных хвароб БДМУ Станіслаў Траццяк. Начальнік упраўлення па справах культуры БДУ Уладзімір Макарэвіч уганараваны ордэнам Францыска Скарыны.У ліку ўзнагароджаных медалём «За працоўныя заслугі» дэкан лячэбнага факультэта БДМУ Аляксей Валатоўскі, прафесар кафедры інфекцыйных хвароб БДМУ Дзмітрый Данілаў, галоўны навуковы супрацоўнік лабараторыі радыяцыйнай бяспекі Інстытута ядзерных праблем БДУ Віктар Ціхаміраў.

Сярод удастоеных медаля Францыска Скарыны прафесар кафедры фізікі цвёрдага цела БДУ Віктар Анішчык, дэкан гістарычнага факультэта БДУ Аляксандр Каханоўскі, першы прарэктар БДМУ Ірына Мароз.Ганаровае званне «Заслужаны дзеяч навукі Рэспублікі Беларусь» прысвоена прафесару кафедры лазернай фізікі і спектраскапіі БДУ Яўгену Варапаеву, прафесару кафедры фізікі паўправаднікоў і нанаэлектронікі БДУ Мікалаю Паклонскаму і прафесару кафедры эпідэміялогіі БДМУ Рыгору Чысценка.

Заслужанымі работнікамі адукацыі Беларусі сталі загадчык кафедры інфармацыйных сістэм кіравання БДУ Віктар Краснапрошын, дырэктар Міжнароднага дзяржаўнага экалагічнага інстытута імя А.Д. Сахарава БДУ Сяргей Маскевіч і загадчык кафедры рускай мовы БДУ Іван Роўда.Ганаровага звання «Заслужаны ўрач Рэспублікі Беларусь» удастоена загадчыца кафедры вочных хвароб БДМУ Людміла Марчанка. Заслужаным работнікам аховы здароўя стала прарэктар па лячэбнай працы БДМУ Святлана Шылава.

Кіраўнік дзяржавы таксама падпісаў распараджэнне, у адпаведнасці з якім работнікі дадзеных ВНУ ўдастоены Падзякі Прэзідэнта Беларусі. Узнагароджаны прадстаўнікі БДУ — загадчык кафедры крымінальнага працэсу і пракурорскага нагляду Анатоль Данілевіч, дэкан факультэта міжнародных адносін Алена Дастанка, начальнік Цэнтра інфармацыйных тэхналогій Віктар Кочына, прафесар кафедры медыалогіі Таццяна Падаляк, загадчык кафедры беларускага мовазнаўства Мікалай Прыгодзіч, загадчык кафедры фізікі і аэракасмічных тэхналогій Уладзімір Федаркоў, дырэктар установы адукацыі «Юрыдычны каледж Беларускага дзяржаўнага ўніверсітэта» Алег Старавойтаў, дэкан фізічнага факультэта Міхаіл Ціванаў, прафесар кафедры міжнародных адносін Аляксандр Шарапа.

Падзякі Прэзідэнта Беларусі ўдастоены работнікі Беларускага дзяржаўнага медыцынскага ўніверсітэта — кіраўнік навукова-даследчай часткі Алена Гудкова, прафесар кафедры радыяцыйнай медыцыны і экалогіі Аляксандр Стажараў, загадчык 1-й кафедры дзіцячых хвароб Аляксандр Сукала.

Выбар рэдакцыі

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер

Крызіс на мяжы. Уся аператыўная інфармацыя на чацвер

Аператыўная інфармацыя з беларуска-польскай мяжы.