Сёння БРСМ даў старт «Конкурсу маладзёжных ініцыятыў»

Праектаў шмат, але ты гатовы прапанаваць нешта па-сапраўднаму ўнікальнае і карыснае для краіны? Тады не адкладай «на потым» — прымай удзел у «Конкурсе маладзёжных ініцыятыў», запрашае Саюз моладзі.

Якія ініцыятывы можна падаць на конкурс?

Праекты, накіраваныя на ўцягванне моладзі ў творчую дзейнасць і сацыяльную практыку, раскрыццё патэнцыялу моладзі ў адпаведнасці з асноўнымі прыярытэтамі Стратэгіі развіцця дзяржаўнай маладзёжнай палітыкі Рэспублікі Беларусь да 2030 года.

Хто можа прыняць удзел у конкурсе?

Некамерцыйныя маладзёжныя і дзіцячыя грамадскія аб’яднанні, зарэгістраваныя на тэрыторыі Рэспублікі Беларусь.

Як падаць заяўку?

• Да 25 кастрычніка даслаць заяўку на электронны адрас proekt.brsm@gmail.com з пазнакай «Заяўка на конкурс».
• Да 25 кастрычніка прадаставіць арыгіналы пакета конкурсных дакументаў і іх электронную версію па адрасе: г.Мінск, вуліца Карла Маркса, 40, Грамадскае аб’яднанне «БРСМ».

Больш падрабязна пра ўмовы ўдзелу можна прачытаць на сайце Саюза моладзі.

Сяргей РАСОЛЬКА