Вы тут

Кіраўнік вядучай фракцыі Еўрапарламента папярэдзіў аб магчымым выхадзе Польшчы з ЕС


Кіраўнік вядучай фракцыі Еўрапарламента — Еўрапейскай народнай партыі (ЕНП) — Манфрэд Вэбер папярэдзіў аб магчымым выхадзе Польшчы са складу Еўрапейскага Саюза на фоне спрэчкі Бруселя і Варшавы аб прыярытэце еўрапейскага права над нацыянальным. Такое меркаванне ён выказаў у інтэрв’ю германскаму рэдакцыйнаму аб’яднанню Redaktionsnetzwerk Deutschland напярэдадні саміту ЕЗ, які праходзіць з 21 да 22 кастрычніка, паведамляе ТАСС.


Манфрэд Вэбер адзначыў, што на маючым адбыцца саміце Еўразвяза неабходна знайсці кампраміснае рашэнне адносна прававой спрэчкі паміж Польшчай і ЕС. «Гаворка ідзе аб прынцыповым пытанні, што заключаецца ў тым, ці прымае ЕС права і незалежнасць правасуддзя. Тое, што гэтая тэма да гэтага часу не абмяркоўвалася, з’яўляецца правалам Еўрапейскага савета», — сцвярджаў кіраўнік ЕНП.

Пры гэтым ён дадаў, што Еўрасавету не варта баяцца рэальных дэбатаў, якія неабходна весці ў Еўропе. «Калі пытанне вяршэнства закона і дзеяння нормаў еўрапейскага права не будзе вырашана, то існуе рызыка вымушанага выхаду Польшчы з ЕС праз чорны ход», — сказаў на заканчэнне Манфрэд Вэбер.

Канстытуцыйны суд Польшчы 7 кастрычніка, разгледзеўшы запыт прэм’ер-міністра Матэвуша Маравецкага, пацвердзіў неадпаведнасць нормы аб дамінаванні еўрапейскага права над палажэннямі Канстытуцыі. Гэта рашэнне выклікала новую хвалю крытыкі з боку Брусэля і дыскусію аб магчымасці пазбаўлення Варшавы сродкаў з эўрапейскіх фондаў.

Прэв’ю: pixabay.com

Выбар рэдакцыі

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?

Грамадства

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

Як адзначыла старшыня Савета Рэспублікі Нацыянальнага сходу Наталля Качанава, Вялікая Айчынная вайна і ўсё, што звязана з ёй, — святое.

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.