А дакладней, у цэнтры горада: у межах вуліц Кірава, Леніна, Ульянаўскай і стадыёна «Дынама». Зразумела, гэта не будзе новая транспартная артэрыя горада. Пакуль канчаткова рашэнне па бульвары 17 Верасня яшчэ не прынята. Цяпер над гэтым пытаннем завяршае ці ўжо завяршыла работу камісія гарвыканкама па называнні і пераназыванні праспектаў, вуліц, плошчаў і іншых складных частак Мінска. У яе, між іншым, уваходзяць і дэпутаты Мінскага гарадскога Савета. Ды і дзейнічае камісія ў адпаведнасці з рашэннем гарадскога Савета дэпутатаў. Члены камісіі ва ўстаноўленым парадку разглядаюць прапановы па новых назвах вуліц сталіцы, пагаджаюцца ці не пагаджаюцца з аўтарамі такіх прапаноў.
Але апошняе слова ў гэтай справе належыць дэпутатам Мінскага гарадскога Савета. Паводле слоў яго старшыні Андрэя Бугрова, на маючай адбыцца 22 кастрычніка сесіі гарадскога Савета будзе разгледжана пытанне аб пераназыванні аднаго з элементаў транспартнай інфраструктуры горада і наданні ёй назвы «Бульвар 17 Верасня».
Таксама на сесіі вырашаць пытанне і аб прысваенні імя вядомага савецкага пісьменніка, майстра гістарычнай прозы Сцяпана Злобіна праектуемай вуліцы № 4 у межах вуліц М. Лынькова, П. Глебкі і праезда Масюкоўшчына.
Нагадаем, што назва «17 Верасня» далёка не першая ў Беларусі. Вуліцы 17 верасня, у прыватнасці, ёсць у многіх гарадах і населеных пунктах краіны, асабліва ў заходняй частцы Беларусі, якая да 1939 года была ў складзе Польшчы. Напрыклад, недзе 50 гадоў назад новую і самую прыгожую ў райцэнтры Мядзел вуліцу назвалі «17 Верасня». Зроблена гэта было, хутчэй за ўсё, таму, што некалі сучасная тэрыторыя Мядзельскага раёна ўваходзіла ў Заходнюю Беларусь, і мясцовыя жыхары з радасцю і энтузіязмам, як вялікае свята, сустрэлі вызваленне з-пад прыгнёту панскай Польшчы.
З тых часоў вуліцы 17 верасня ўспрымаюцца нашымі суайчыннікамі як сімвал ўз'яднання Беларусі.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
