Вы тут

Міністэрства аховы здароўя дало парады па правільным планаванні бацькоўства


Галоўнае, каб бацькі ўсведамлялі, што за здароўе дзіцяці яны нясуць галоўную адказнасць, прычым у аднолькавай ступені маці і бацька. Аб гэтым паведаміла сёння на прэс-канферэнцыі загадчык маніторынгавага інфармацыйна-метадычнага аддзялення дзіцячага здароўя РНПЦ «Мацi i дзiця» Алена Фацеева, перадае БелТА.


«Здаровае дзіця можа нарадзіцца толькі ў здаровых бацькоў. Кожная сям’я павінна быць пераканана ў неабходнасці планавання нараджэння дзіцяці. Галоўны вынік — адказнае бацькоўства. Вельмі важна, каб цяжарнасць праходзіла без ускладненняў, якія негатыўна ўплываюць на ўнутрывантробнае развіццё дзіцяці, ствараюць умовы для медыкаментознай нагрузкі на плод, выклікаюць ускладненні пры родах. Цяжарнасць стварае значную нагрузку на арганізм маці, часта выяўляючы захворванні», — сказала Алена Фацеева.

Таму, рыхтуючыся стаць бацькамі, неабходна сабраць інфармацыю аб хранічных захворваннях, пароках развіцця, выпадках невыношвання цяжарнасці і мёртванараджэнняў у сям’і. Калі ў каго-небудзь з будучых бацькоў ёсць хранічныя захворванні, трэба звярнуцца да генетыка аб магчымай рызыцы перадачы такой хваробы дзіцяці.

Будучым маці неабходна прытрымлівацца ўсіх рэкамендацый гінеколага, праводзіць УГД. «Пажадана вызначыць рызыку ўзнікнення сіндрому Даўна», — дадала Алена Фацеева.

У дапамогу пры планаванні цяжарнасці працуюць не толькі жаночыя кансультацыі, але і цэнтры сям’і і дзяцей, іншыя кансультацыйныя структуры як у сістэме аховы здароўя, так і Мінпрацы і сацабароны. Дапамагаюць грамадскія аб’яднанні, напрыклад, Цэнтр падтрымкі сям’і і мацярынства «Матуля».

Прэв’ю: pexels.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».