Вы тут

Сёння ў Магілёве стартаваў XXIV Міжнародны фестываль анімацыйных фільмаў «Анімаёўка-2021»


Сёння ў Магілёве стартаваў XXIV Міжнародны фестываль анімацыйных фільмаў «Анімаёўка-2021».


Ужо з раніцы ў фае кінатэатра «Чырвоная зорка» працуе выстава дзіцячых работ «Тэрыторыя майстэрства і творчасці», а ва ўсіх кінатэатрах горада ідуць кінапрагляды мультыплікацыйных фільмаў. Удзел у мерапрыемствах прымае знакаміты беларускі сцэнарыст, педагог, рэжысёр анімацыйных і гульнявых фільмаў нацыянальнай кінастудыі "Беларусфільм«Алена Турава.

Яна ўжо пабывала ў гасцях выхаванцаў магілёўскай дзіцячай школы мастацтваў № 7 і правяла там майстар-клас па рабоце з музыкай пры стварэнні фільма. Заўтра аматараў анімацыйнай творчасці чакае сустрэча з выкладчыкам Магілёўскай дзіцячай школы выяўленчых мастацтваў Ларысай Будкевіч, якая дасць майстар-клас па стварэнні вобраза ў анімацыі. У праграме фестывалю творчае выступленне вядомага беларускага і расійскага музыканта, кампазітара, народнага артыста Беларусі Эдуарда Ханка.

Ён раскажа пра асаблівасці стварэння музыкі да мультыплікацыйных фільмаў. На працягу трох дзён кінатэатры горада будуць запрашаць на прагляд конкурсных работ і фестывальных калекцый мультфільмаў. Дарэчы, на галоўную прэмію прэтэндуюць 112 фільмаў з 19 краін. Беларусь прадставіць больш за 30 анімацыйных фільмаў! У сераду кампетэнтнае журы агучыць імёны пераможцаў, ім будуць уручаны заслужаныя ўзнагароды. У сувязі з неспрыяльнымі эпідэміялагічнымі ўмовамі замежныя эксперты гэтым разам удзельнічаюць ў міжнародным анімацыйным свяце выключна анлайн. Сярод іх выкладчык кінаакадэміі ў Пекіне, рэжысёр-аніматар, уладальнік спецыяльнай прэміі міжнароднага журы на Міжнародным фестывалі анімацыі ў Хірасіме Чэнь Сі, член Саюза кінематаграфістаў і Гільдыі рэжысёраў Расійскай Федэрацыі Сяргей Струсоўскі і іншыя.

Нязменнымі арганізатарамі фестывалю «Анімаёўка» застаюцца Міністэрства культуры Рэспублікі Беларусь і Магілёўскі аблвыканкам. 

Нэлі ЗІГУЛЯ

Прэв’ю: pexels.com

Выбар рэдакцыі

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер

Крызіс на мяжы. Уся аператыўная інфармацыя на чацвер

Аператыўная інфармацыя з беларуска-польскай мяжы.