Вы тут

Вучоныя высветлілі, як праяўляецца посткавідны сіндром у дзяцей і падлеткаў


Вучоныя з Германіі вызначылі пералік і цяжар сімптомаў, звязаных з доўгатэрміновымі наступствамі COVID-19 у дзяцей і падлеткаў, паведамляюць РІА Навіны.


Нямецкія вучоныя апрацавалі інфармацыю па 38 млн чалавек, што складае 45 працэнтаў насельніцтва Германіі. З іх адабралі 157 тыс. чалавек, якім быў пастаўлены дыягназ COVID-19 да 30 чэрвеня 2020 года, — 145184 дарослыя і 11950 дзяцей і падлеткаў да 17 гадоў. У абедзвюх групах аўтары вылучылі тых, у каго скаргі захоўваліся праз тры месяцы пасля пастаноўкі дыягназу.

Нягледзячы на тое, што, паводле медыцынскай статыстыкі, захваральнасць на COVID-19 у дарослых на 162 працэнты вышэйшая, чым у дзяцей і падлеткаў, розніца ў праяўленнях посткавіднага сіндрому была не такой вялікай — усяго 41 працэнт.

Даследчыкі адзначаюць, што ў дзяцей у параўнанні з дарослымі акцэнт праяўлення посткавіднага сіндрому зрушаны ў бок праблем з псіхічным здароўем. Калі ў дарослых посткавідны сіндром часцей праяўляецца ў форме дыхальнай недастатковасці, выпадзення валасоў, агульнага недамагання, страты смакавых адчуванняў і галаўнога болю, то ў дзяцей больш распаўсюджаны такія сімптомы, як устойлівая стомленасць, трывожнасць і дэпрэсія, галаўны боль і болі ў жываце, саматычныя расстройствы.

На думку аўтараў, гэта паказвае на неабходнасць распрацоўкі спецыяльных рэкамендацый для ўрачоў і псіхолагаў па рабоце з дзецьмі, якія перанеслі каранавірусную інфекцыю.

Даследчыкі таксама адзначаюць, што гэта самае маштабнае на сённяшні дзень даследаванне ў свеце, прысвечанае посткавіднаму сіндрому ў дзяцей і падлеткаў. Яго вынікі паказалі агульны рост захваральнасці сярод маладых людзей апошнім часам, хоць яна ўсё яшчэ прыкметна ніжэйшая, чым сярод дарослых.

Прэв'ю: pexels.com

Выбар рэдакцыі

Грамадства

Феномен Максіма Багдановіча

Феномен Максіма Багдановіча

«Я ж кажу вам: добра быць коласам; але шчаслівы той, каму дадзена быць васільком. Бо нашто каласы, калі няма васількоў?»

Палітыка

Бяспраўе і несправядлівасць. Куды ўлады вядуць палякаў?

Бяспраўе і несправядлівасць. Куды ўлады вядуць палякаў?

Старшыня кіруючай кансерватыўнай партыі Польшчы «Права і справядлівасць» (ПіС) Яраслаў Качыньскі выказаўся наконт палітыкі Германіі.

Грамадства

Правільнае харчаванне дадому: даніна модзе або клопат аб здароўі?

Правільнае харчаванне дадому: даніна модзе або клопат аб здароўі?

Калі сфера дастаўкі гатовага харчавання перажыла бурны рост з пачаткам пандэміі, калі з офісаў вельмі многія перамясціліся ў кватэры, а пах

Палітыка

У адказе за гістарычную памяць

У адказе за гістарычную памяць

«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».