Вы тут

Петрышэнка 29 кастрычніка прыме ўдзел у пасяджэнні Савета ЕЭК


Намеснік прэм’ер-міністра, член Савета Еўразійскай эканамічнай камісіі ад Беларусі Ігар Петрышэнка 29 кастрычніка прыме ўдзел у пасяджэнні Савета ЕЭК у рэжыме відэаканферэнцыі, паведамілі ў прэс-службе ўрада.


Фота: БелТА

У парадак дня ўключаны 44 пытанні: у сферах тэхнічнага рэгулявання, прымянення навігацыйных пломбаў, лібералізацыі па асобных сектарах паслуг, устанаўлення ставак увазных мытных пошлін і іншыя. Па ініцыятыве беларускага боку на пасяджэнні будзе разгледжана пытанне ўстанаўлення нулявой стаўкі ўвазной мытнай пошліны адзінага Мытнага тарыфу Еўразійскага эканамічнага саюза адносна асобных відаў маторных транспартных сродкаў з электрычным рухавіком. Мэта гэтай меры — фарміраванне рынку электрамабіляў у Беларусі і краінах ЕАЭС як асновы для развіцця вытворчасці электрычнага транспарту. Акрамя таго, прыняцце рашэння па гэтым пытанні будзе садзейнічаць далейшаму развіццю аб’ектаў зараднай інфраструктуры, павышэнню энергаэфектыўнасці транспарту на тэрыторыі ЕАЭС.

Таксама будзе разгледжана пытанне аб абнуленні ставак увазных мытных пошлін адносна асобных відаў трансфарматараў для мікрахвалевых печаў. Асноўнымі спажыўцамі гэтага тыпу прадукцыі з’яўляюцца беларускія прадпрыемствы СТАА «Мідэа-Гарызонт» і ААТ «Віцязь» — буйнейшыя вытворцы мікрахвалевых печаў у ЕАЭС.

Плануецца разгледзець праект Пагаднення аб прымяненні ў Еўразійскім эканамічным саюзе навігацыйных пломбаў для адсочвання перавозак у мэтах далейшага яго накіравання ў дзяржавы — члены ЕАЭС для правядзення ўнутрыдзяржаўных працэдур, неабходных для падпісання. Будзе разгледжаны і праект парадку дня пасяджэння Вышэйшага Еўразійскага эканамічнага савета, якое запланавана на 10 снежня ў Алматы.

Акрамя таго, члены Савета ЕЭК абмяркуюць план мерапрыемстваў па фарміраванні ўмоў, неабходных для ўстанаўлення справядлівых тарыфаў на паслугі сотавай сувязі ў міжнародным роўмінгу ў краінах ЕАЭС.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.