Вы тут

Карпенка: Ад вакцынацыі залежыць эпідэміялагічны стан нашага грамадства


Ад вакцынацыі залежыць эпідэміялагічны стан нашага грамадства. Такое меркаванне выказаў міністр адукацыі Ігар Карпенка. Сёння ён наведаў сярэднюю школу № 1 Фаніпаля, дзе прыняў удзел у інфармацыйна-адукацыйным праекце «Школа актыўнага грамадзяніна» і сустрэўся з педагагічнай грамадскасцю Дзяржынскага раёна, паведамляе БелТА.


У час сустрэчы з педагагічнай грамадскасцю ўзнімаліся пытанні здаровага ладу жыцця вучняў, добраўпарадкавання спартыўных залаў і школьных стадыёнаў, наяўнасці сучаснага інвентару. У фармаце адкрытага дыялога з удзелам старшакласнікаў абмяркоўвалася тэма «Гонар за Беларусь. Здароўе кожнага з нас — галоўная каштоўнасць».

Безумоўна, падчас пандэміі актуальнае пытанне вакцынацыі, і старшакласнікі пацікавіліся ў міністра, як ён ставіцца да прышчэпак. «Прывівацца ці не — усвядомлены выбар кожнага чалавека. Аднак ад вакцынацыі сёння залежыць эпідэміялагічны стан нашага грамадства. Выбар трэба рабіць на карысць грамадства і дзяржавы. Асабіста я вакцынаваўся яшчэ ў красавіку. Нядаўна прышчапіўся ад грыпу. Наперадзе яшчэ рэвакцынацыя», — расказаў Ігар Карпенка.

Сустракаючыся з педагогамі раёна, міністр нагадаў, што вядзецца актыўная работа над двума важнымі дакументамі — Кодэксам аб адукацыі і канцэпцыяй развіцця сістэмы адукацыі да 2030 года. Адобраны новыя правілы прыёму ў ВНУ і ССНУ, дзе прадугледжваецца здача сумешчаных выпускных і ўступных экзаменаў, а таксама пашыраюцца прэферэнцыі для алімпіяднікаў. Напрыканцы сустрэчы Ігар Карпенка падарыў школьнікам мячы і кнігі.

Прэв’ю: pixabay.com

Выбар рэдакцыі

Палітыка

Крызіс на мяжы. Уся аператыўная інфармацыя на панядзелак (абнаўляецца)

Крызіс на мяжы. Уся аператыўная інфармацыя на панядзелак (абнаўляецца)

Аператыўная інфармацыя з беларуска-польскай мяжы.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.