Вы тут

Трошкі позняга «бабінага лета»


Гэтая восень не разбэсціла нас сапраўды сонечнымі і цёплымі днямі. І таму камфортнае завяршэнне другога месяца восені нас асабліва парадуе. У выхадныя на нашай тэрыторыі будзе ўтрымлівацца цёплае і ў асноўным без ападкаў надвор’е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У пятніцу яшчэ чакаецца сярэднестатыстычны кастрычнік. Будзе пераменная воблачнасць і пераважна без ападкаў, толькі ўначы па паўночным усходзе краіны месцамі пройдуць невялікія дажджы. Вецер паўднёва-заходні, паўднёвы ўмераны. Максімальная тэмпература паветра складзе ад плюс 10 градусаў да 16 цяпла.

Па-сапраўднаму «залатая і ласкавая» восень завітае да нас менавіта ў суботу. У гэты дзень, 30 кастрычніка, будзе невялікая воблачнасць, ападкаў не чакаецца. Уначы і раніцай у асобных раёнах прагназуецца слабы туман. Вецер паўднёва — ўсходні, паўднёвы ўмераны, удзень месцамі парывісты. Тэмпература паветра ўначы будзе слаба станоўчай (плюс 2–8 градусаў), а ўдзень ўзрадуе нас амаль што вясновым цяплом — ад плюс 12 градусаў да 19 цяпла.

Позняе «бабіна лета» працягнецца і ў нядзелю. Праўда, удзень будзе трымацца невялікая воблачнасць. Але без ападкаў. Уначы і раніцай у асобных раёнах прагназуецца слабы туман. Вецер паўднёва-ўсходні, паўднёвы ўмераны, удзень месцамі парывісты. Тэмпература паветра ўначы чакаецца плюс 1–8 градусаў, удзень сонца будзе ўжо не такім яркім, а таму — ад 11 цяпла да 18 градусаў вышэй за нуль.

На гэтым добрыя сінаптычныя навіны ў нас заканчваюцца. Пачатак апошняга восеньскага месяца прынясе змяненне ўмоў надвор’я.

Паводле папярэдніх прагнозаў айчынных сіноптыкаў, ужо ў аўторак франтальныя раздзелы з Украіны зацягнуць неба над краінай больш шчыльнымі аблокамі і прынясуць дажджы. Але ў панядзелак, у першы дзень лістапада, будзе пераважна без ападкаў. Уначы і раніцай месцамі чакаецца туман. Тэмпература паветра ўначы будзе 1–7 цяпла, а ўдзень паветра прагрэецца да 9–15 градусаў вышэй за нуль.

А вось у аўторак уначы месцамі, а ўдзень на большай частцы тэрыторыі краіны пройдуць дажджы. У асобных раёнах будзе туман. Тэмпература паветра ўначы прагназуецца 1–7 цяпла, удзень прагрэе не вышэй чым да плюс 7–13 градусаў. У сераду дождж распаўсюдзіцца на ўсю тэрыторыю краіны, а тэмпературны рэжым захаваецца на тым жа ўзроўні.

Сяргей КУРКАЧ

Прэв’ю: pixabay.com

Выбар рэдакцыі

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў.