Вы тут

Дакументальны фільм «Стагоддзе ведаў» пакажуць сёння на «Беларусь-1»


Паўгадзінная кінастужка прысвечана векавой гісторыі найстарэйшай ВНУ краіны. Гледачы даведаюцца аб асноўных этапах станаўлення і развіцця першага беларускага ўніверсітэта — пачынаючы з даты яго заснавання і да нашых дзён.


Фільм раскажа пра адукацыйнае, навуковае, міжнароднае, культурнае, спартыўнае і студэнцкае жыццё БДУ ў розныя яго дзесяцігоддзі. Сюжэт пабудаваны на аснове кантрасных эпізодаў па прынцыпе «тады-зараз». У стужку таксама ўключаны архіўныя дакументы і фотаздымкі з Музея гісторыі БДУ.

Здымачная група пагутарыла з вучонымі, выкладчыкамі і кіраўніцтвам БДУ, якія расказалі, хто стаяў ля вытокаў універсітэта і як функцыянуе сучасная ВНУ. А студэнты падзяліліся сваімі думкамі аб тым, якую ролю адыгрывае ў іх жыцці альма-матэр.

Здымкі спецыяльнага праекта вяліся на працягу бягучага года. Над хранікальна-дакументальным фільмам працавалі спецыяльны карэспандэнт АТН Святлана Чарнова, рэжысёр Вольга Жукава і аператар Анзор Тужаеў.

Дакументальная кінастужка выйдзе ў эфіры тэлеканала «Беларусь-1». Пачатак у 21.45.

Надзея НІКАЛАЕВА

Выбар рэдакцыі

Палітыка

У адказе за гістарычную памяць

У адказе за гістарычную памяць

«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».

Грамадства

Як музей у Вайцяшыне бібліятэку ад закрыцця выратаваў

Як музей у Вайцяшыне бібліятэку ад закрыцця выратаваў

Бібліятэк, што функцыянуюць ў маленькіх населеных пунктах, ужо амаль не засталося.

Грамадства

У зоне рызыкі. Як пажылым людзям засцерагчыся ад СOVІD-19

У зоне рызыкі. Як пажылым людзям засцерагчыся ад СOVІD-19

Найлепшым спосабам прафілактыкі з'яўляецца прышчэпка ад COVІD-19.