Віншую вас з Днём Кастрычніцкай рэвалюцыі, якая змяніла ў 17-м годзе мінулага стагоддзя ход гісторыі чалавецтва і лёс беларусаў.
Гэта падзея знайшла водгук у розных кутках Зямлі, згуртавала прыгнечаныя народы, нанесла ўдар па глабальнай каланіяльнай сістэме. На змену ідэалогіі капіталізму прыйшлі прынцыпы сацыяльнай справядлівасці, роўнасці праў і магчымасцяў. Пачалася новая эпоха, у якую беларускі народ увайшоў у статусе палітычнай нацыі, што ўпершыню стварыла на роднай зямлі нацыянальную дзяржаву.
Працягваючы гістарычны шлях гераічных пакаленняў, якія з годнасцю прайшлі праз выпрабаванні грамадзянскага супрацьстаяння, Першай сусветнай і Вялікай Айчыннай войнаў, пасляваеннай разрухі, мы робім усё, каб, нягледзячы на новыя выклікі, захаваць дасягненні мінулага — свой лад жыцця і традыцыі, унутрынацыянальны мір і адзінства, наш суверэнітэт.
Няхай памяць аб эпахальнай падзеі, з якой пачалася гісторыя беларускай дзяржавы, дапамагае нам берагчы такі вялікі дар, умацоўваць свае пазіцыі на сусветнай палітычнай арэне.
У гэты знамянальны дзень жадаю ўсім грамадзянам краіны дабрабыту і новых здзяйсненняў у імя будучыні роднай Беларусі.
Прэзідэнт Рэспублікі Беларусь Аляксандр Лукашэнка
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
