Вы тут

Наталля Качанава: Бежанцам раздалі 40 тон прадуктаў, на складах чакаюць яшчэ 10 тон


Старшыня Савета Рэспублікі, якая па даручэнні Прэзідэнта каардынуе гуманітарную місію для тых, хто сёння па волі лёсу захрас на лініі беларуска-польскай мяжы, расказала аб тым, што для іх зроблена і на якую дапамогу яны могуць разлічваць. 


Фота: БелТА

— Сітуацыя, якая складваецца на беларуска-польскай граніцы і разварочваецца вакол нашай краіны, не можа не хваляваць ніводнага нармальнага разважнага чалавека ў нашай краіне, — пераканана Наталля Качанава.

Яна адзначыла, што Савет Рэспублікі вельмі шчыльна падключыўся да пытанняў аказання гуманітарнай дапамогі бежанцам, якія апынуліся ў няпростай сітуацыі. 

— Шчыра вам скажу, я не магу спакойна і раўнадушна глядзець, калі ўключаю навіны, таму што жанчыны і дзеці — самае святое і дарагое, што можа быць у кожнага чалавека. І калі ты ўяўляеш у якіх нечалавечых умовах знаходзяцца сёння дзеці, якія па волі лёсу апынуліся ў такой сітуацыі, становіцца жудасна і жахліва, — эмацыянальна выказалася спікер верхняй палаты парламенту падчас сустрэчы з актывам Маладзёжнага савета (парламента).

Паводле яе слоў, літаральна ўсе грамадскія і дзяржаўныя арганізацыі краіны адгукнуліся і ўключыліся ў працэс збору і аказання дапамогі бежанцам: 

— Каля 40 тон прадуктаў харчавання было накіравана для гэтых людзей, каб забяспечыць іх ежай. Сёння раніцай (16 лістапада — аўт.) раздавалі пакункі з прадуктамі, на складах яшчэ знаходзяцца 10 тон, якія мы гатовы аддаць, каб накарміць гэтых людзей, — расказала Наталля Качанава.

Акрамя таго, аказваецца медыцынская дапамога тым, хто мае ў ёй патрэбу. 

— За гэты месяц каля 60 чалавек звярнуліся за медыцынскай дапамогай, — патлумачыла яна і дадала, што гаворка ідзе не толькі за апошні тыдзень, калі людзей значна прыбавілася, а з надыходам халадоў і зваротаў з боку пакутуючых на мяжы людзей. 

Яна звярнула ўвагу на бязглуздасць абвінавачанняў нашай краіны і блакаванні гуманітарнай дапамогі:

— Гэта проста за межамі разумення! Настолькі выдумана, высмактана з пальца, абсалютна неправамерна, — выказала абурэнне Наталля Качанава. 

Спікер запэўніла, што ўся неабходная дапамога, якая датычыцца абагрэву і дастаўкі прадуктаў людзям аказваецца ў поўным аб’ёме:

— Гэта тое, чым мы займаемся ўсе разам, — падкрэсліла яна. 

Наталля Качанава падзякавала ўсім, хто нераўнадушны да бяды бежанцаў, якія захраслі на граніцы, і адносіцца да іх сітуацыі са спачуваннем і паразуменнем. 

— Таму што гэта людзі і мы не можам адносіцца да іх па-іншаму, — падкрэсліла Старшыня Савета Рэспублікі.

Вольга АНУФРЫЕВА

Будзе дапоўнена

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.