Вы тут

З красавіка дэпазіты стануць яшчэ больш надзейнымі


На мінулым тыдні ў нашай краіне быў прыняты Закон № 128-З «Аб змене законаў па пытаннях гарантаванага пакрыцця банкаўскіх укладаў (дэпазітаў)», які ўступіць у сілу з 1 красавіка 2022 года. Пракаментаваць гэтае новаўвядзенне для «індывідуалаў» і простых грамадзян мы папрасілі прэс-службу Нацыянальнага банка Беларусі.


Прадпрымальнікам гарантуюць па максімуме

Сярод змен, прадугледжаных Законам, увядзенне гарантаванай кампенсацыі ўкладаў, размешчаных індывідуальнымі прадпрымальнікамі (ІП).
ІП з’яўляюцца суб’ектамі сістэм гарантаванай кампенсацыі (страхавання) укладаў у большасці замежных краін, у тым ліку ва ўсіх дзяржавах — удзельніцах ЕАЭС. Пры гэтым памер кампенсацыі для іх абмяжоўваецца. У прынятым Законе дзейнічаюць аналагічныя падыходы: для індывідуальных прадпрымальнікаў устаноўлена максімальная сума кампенсацыі. Яна складае 100 тысяч беларускіх рублёў у адным банку, што перавышае максімальныя памеры кампенсацыі, якія вызначаны для ўкладчыкаў у іншых дзяржавах — удзельніцах ЕАЭС. Адпаведна, у выпадку размяшчэння грашовых сродкаў індывідуальным прадпрымальнікам у розных банках узровень яго абароны дадаткова павялічваецца.

Фізічным асобам — у поўным аб’ёме і за 7 дзён

Для звычайных людзей, якія размяшчаюць грашовыя сродкі ва ўклады не ў якасці індывідуальных прадпрымальнікаў, па-ранейшаму захоўваецца дзеючы падыход — гарантаванае пакрыццё ўкладаў у поўным аб’ёме.

Пры гэтым тэрмін выплаты кампенсацыі ўкладаў скарачаецца з аднаго месяца да 7 дзён з даты падачы заявы аб выплаце кампенсацыі (пры неабходнасці дадатковага вывучэння інфармацыі захоўваецца тэрмін да аднаго месяца). 

З красавіка месяца ўсе банкі абавязаны весці штодзённы ўлік сваіх абавязацельстваў перад фізічнымі асобамі. Акрамя таго, перыяд звароту за вяртаннем ўкладу павялічваецца з 2 да 5 гадоў. І яшчэ, фізічныя асобы могуць выбраць спосаб выплаты кампенсацыі — наяўнымі або ў безнаяўным парадку. Для ІП прадугледжаная выплата кампенсацыі толькі ў безнаяўным парадку.

Пры гэтым, усім суб’ектам сістэмы гарантаванай кампенсацыі ўкладаў, выплата кампенсацыі ў безнаяўным парадку ажыццяўляецца без спагнання банкамі ўзнагароджання за ажыццяўленне банкаўскіх аперацый.

Больш рызыкоўныя банкі будуць адлічваць дадатковыя ўзносы ў рэзерв агенцтва

У Законе таксама замацаваны нормы, якія тычацца пераходу да сістэмы дыферэнцыраваных узносаў банкаў у рэзерв агенцтва. Іх практычная рэалізацыя мае важнае значэнне для сістэмы гарантаванай кампенсацыі ўкладаў.

У цяперашні час для разліку каляндарных узносаў у рэзерв агенцтва ўжываецца адзіная для ўсіх банкаў базавая стаўка. У выніку банкі, якія праводзяць больш рызыкоўную палітыку, нясуць тую ж фінансавую нагрузку, што і банкі, якія прытрымліваюцца кансерватыўнай палітыкі кіравання рызыкамі.
У міжнароднай практыцы больш справядлівым прызнаецца прымяненне стаўкі каляндарных узносаў (дыферэнцыраванай стаўкі), якая матывуе банкі аптымізаваць свае профілі рызыкі.

Закон прадугледжвае двухузроўневую сістэму ўстанаўлення стаўкі узносаў банкаў у рэзерв агенцтва, якая ўключае базавую стаўку і дадатковую (дыферэнцыраваную) стаўку.

Для абароны рэзерву агенцтва ад абясцэнення ўкладаў пашыраюцца магчымасці для інвеставання часова свабодных сродкаў. Акрамя фінансавых інструментаў Нацыянальнага банка і Міністэрства фінансаў сродкі рэзерву змогуць таксама размяшчацца ў каштоўныя паперы ААТ «Банк развіцця Рэспублікі Беларусь».

Сяргей КУРКАЧ

Прэв’ю: pixabay.com

Выбар рэдакцыі

Эканоміка

Змены ў падатковы кодыэкс. Хто заплаціць падатак на кватэру, а хто не?

Змены ў падатковы кодыэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.