Вы тут

Меркаванне: Крызіс на мяжы — шырма для польскіх уладаў па ўтойванні іншых праблем


Уладзімір КАТОВІЧ, член Пастаяннай камісіі Савета Рэспублікі па заканадаўстве і дзяржаўным будаўніцтве:


Фота: БелТА

— З боку беларускіх уладаў і нашага народа нямала зроблена для падтрымкі бежанцаў на тэрыторыі Беларусі, — кажа сенатар і працягвае. — Бо мацней любой бяды былі і застаюцца вера і ўзаемадапамога. Вера ў чалавечую разважлівасць, у перамогу міласэрнасці, у здаровы сэнс, які ў рэшце рэшт павінен узяць верх у гэтай вакханаліі, закладнікамі якой сталі жанчыны, старыя, дзеці.

Парламентарый нагадаў, што ў беларусаў на ўзроўні генетычнай памяці адлюстраваны боль і страх ад страт, войнаў і кровапраліццяў. 

— І разам з тым дух нашага народа моцны, загартаваны як стрыжань нашай незалежнасці і веры ў перамогу справядлівасці. Вось таму нашы людзі ніколі нікога не кідаюць у бядзе, імкнуцца дапамагчы і падтрымаць, — падкрэслівае ён.

Уладзімір Катовіч звяртае ўвагу, што ў гэты час па ўсіх межах Еўрасаюза назіраецца рост колькасці бежанцаў, і гэта — наступствы дзеянняў ЗША на Блізкім Усходзе.

— Тое, што мы назіраем на мяжы з боку польскіх сілавікоў у дачыненні да бежанцаў, нельга назваць выкананнем нормаў міжнароднага права, — лічыць сенатар. — Калі б польская ўлада з самага пачатку крызісу дзейнічала ў адпаведнасці з агульнапрынятымі працэдурамі, то да сітуацыі, якая склалася, справа б не дайшла.

Уладзімір Катовіч перакананы, што цяперашні крызіс — усяго толькі шырма для польскіх уладаў па ўтойванні іншых праблем.

— Прыйшоў час Еўрасаюзу вырашаць праблему на мяжы з Беларуссю, вырашаць праз дыялог, — рэзюмуе ён. 

Вольга АНУФРЫЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».