Вы тут

Самае цікавае ў свежым нумары часопіса «Алеся»


«Калі худнею, менш прапаноў...»

Госцяй рэдакцыі часопіса «Алеся» гэтым разам стала актрыса Алена ДУБРОЎСКАЯ. Большасць ведаюць яе па фільмах і серыялах: яна здымалася ў карцінах «Шырокая рака», «Інстытут высакародных дзяўчат», «Усё, што нам трэба», «Талаш», «Крывінушка», «Ой, ма-мач-кі!», «Аўташкола», «Нераскрыты талент, «Рая ведае ўсё!» і інш. А камусьці яна запомнілася як вядучая кулінарнага тэлешоу і вакалістка.

Як расказала Алена, рэжысёры ніколі не патрабавалі ад яе схуднець. «Мяне выбіраюць за славянскую, апетытную знешнасць. Калі худнею, наадварот, атрымліваю менш прапаноў. Часам на кінапробах мне кажуць расчаравана: чаму на фота вас значна больш?..»


Два берагі адной ракі

У раздзеле «Псіхалогія адносін» абмяркоўваецца пытанне, як мужчыну і жанчыне здабыць гармонію і знайсці згоду на доўгія гады. Што ў паводзінах адно аднаго часцей за ўсё цяжка зразумець?

Чаму жанчыны добра памятаюць даты важных падзей: дзень вяселля, дні нараджэнняў блізкіх, а мужчыны — не? Калі і па якой прычыне мужчыны ўключаюцца ў дамашнія работы, бяруць на сябе клопат пра дзяцей? На гэтыя і шмат яшчэ якіх «чаму» вы знойдзеце адказ у «Алесі».


Вязанае адзенне і аксесуары

У модных калекцыях сезона восень—зіма 2021/2022 вязаныя рэчы займаюць адно з цэнтральных месцаў. Іх можна ўбачыць як у офісным адзенні, так і ў камплектах для вуліцы. Галоўны модны дэвіз сезона — утульнасць і камфорт.

Вязаныя аксесуары таксама актуальны акцэнт. Шапкі, шалікі, пальчаткі або рукавіцы — у часопісе «Алеся» прапаноўваецца шмат цікавых вобразаў і небанальных рашэнняў.


Любімы дэсерт — мармелад

Нягледзячы на тое, што радзімай мармеладу лічыцца Блізкі Усход і Міжземнамор'е, і на нашых тэрыторыях здаўна садавіну і ягады было прынята ўварваць да максімальнага згушчэння. Беларускія гаспадынькі традыцыйна ўварвалі розныя ягады: ад малін да шыпшыны, а замест цукру ўжывалі мёд. «Алеся» прапаноўвае некалькі рэцэптаў старажытнага ласунку.

Мармелад літоўскі ад Вінцэнты Завадскай

Інгрэдыенты: 2 кг позніх яблыкаў, 1 кг цукру, скуркі лімона.

Як гатаваць. Яблыкі абабраць, нарэзаць на долькі, акуратна выняць сярэдзінкі і пакласці нарыхтоўку ў халодную ваду. Праз гадзіну ваду адцадзіць, пакласці яблыкі ў каструлю і паставіць на агонь, часта памешваючы варыва, каб не прыстала да дна. Калі яблыкі разварацца ў кашу, працерці праз сіта, змяшаць з цукрам і дробна нарэзанай скуркай лімона. Укласці масу ў каструлю і гатаваць, бесперапынна мяшаючы драўлянай лыжкай. Калі пры каштаванні мармеладу з яго цягнуцца «ніткі», то ён гатовы. Захоўваць трэба ў халодным месцы.

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.