Літоўскі бок не толькі цынічна маніпулюе безабароннымі бежанцамі, але і дэзінфармуе міжнародныя арганізацыі, паведамілі ў Дзяржпамежкамітэце, перадае БелТА.
«Хаваючы ад міжнароднай грамадскасці антыгуманнае стаўленне да бежанцаў, літоўскія сілавікі выкарыстоўваюць непрыкрыты падман і метады, якія прыніжаюць чалавечую годнасць. Учора яны даставілі са сваёй тэрыторыі на лінію мяжы групу бежанцаў для пастановачнай відэаздымкі. Амаль дзве гадзіны прымушалі людзей, якія шукаюць абароны ў краінах Еўропы, пазіраваць і выконваць каманды. Маніпулюючы бездапаможнасцю бежанцаў, сілавікі спецыяльна задавалі ім правакацыйныя пытанні, якія дыскрэдытуюць беларускі бок», — распавялі ў ДПК.
Замежнікам загадалі стаць каля Літоўскага памежнага знака, на камеру раздалі пакеты з ежай, а затым дэманстратыўна павезлі ўсіх назад. «Відавочна, што літоўскі бок цынічна маніпулюе не толькі безабароннымі бежанцамі, але і дэзінфармуе міжнародныя арганізацыі», — рэзюмавалі ў Дзяржпамежкамітэце.
Фота БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
