Вы тут

Заяўкі маладых і ініцыятыўных? Прымаюцца!


У Мінску прайшло першае пасяджэнне камісіі «Конкурсу маладзёжных ініцыятыў». «Фактычна ў краіне пакладзены пачатак фарміравання грантавай сістэмы ў рамках маладзёжных ініцыятыў», — цытуе БРСМ словы яе старшыні, міністра адукацыі Беларусі Ігара Карпенкі.


Новы праект, які стартаваў 3 лістапада пад эгідай Саюза моладзі пры падтрымцы Міністэрства адукацыі і Банка развіцця, накіраваны на ўцягванне моладзі ў творчую дзейнасць і сацыяльную практыку. Ён стаў першым вопытам у Беларусі ў гэтым напрамку.

У адрас арганізатараў паступіла ўжо 230 заявак, з іх з улікам прадстаўленых поўных пакетаў дакументаў паспяхова прайшлі рэгістрацыю 116 праектаў. 48 — атрымалі ацэнку незалежнай экспертызы і былі прадстаўлены ў Рэспубліканскім доме моладзі, 18 — адзначаны камісіяй і рэкамендаваны для падтрымкі.

Каардынатар «Конкурсу маладзёжных ініцыятыў» Варвара Сярова адзначыла, што новы конкурс носіць галосны і сістэмны характар. «Разам з тым патэнцыяльныя праекты-пераможцы павінны быць арыентаваны на большую колькасць юнакоў і дзяўчат, акрамя таго, важна разуменне, на які перыяд часу разлічаны праект. Ішла размова і аб распрацоўцы механізму зваротнай сувязі пераможцаў конкурсу з экспертамі ў частцы рэалізацыі праекта і выкарыстанні атрыманых сродкаў», — распавяла сакратар Цэнтральнага камітэта БРСМ.

Нагадаем, у верасні бягучага года Прэзідэнт Беларусі Аляксандр Лукашэнка падтрымаў стварэнне ў краіне сістэмы малых грантаў на рэалізацыю маладзёжных ініцыятыў. Размова ішла ў першую чаргу аб дзяржаўна-прыватным партнёрстве, рэалізацыі грамадзянскіх ініцыятыў.

Да ўдзелу ў «Конкурсе маладзёжных ініцыятыў» запрошаны маладзёжныя і дзіцячыя грамадскія аб'яднанні, установы адукацыі і арганізацыі. Для атрымання малога гранта на конкурснай аснове неабходна на працягу лістапада накіраваць свае заяўкі на адрас арганізатараў. Умовы падрабязна ўказаны ў палажэнні конкурсу, у тым ліку спосабы падачы заявак як анлайн, так і афлайн.

Як падаць заяўку? Да канца лістапада можна даслаць яе на электронны адрас proekt.brsm@gmaіl.com з пазнакай «Заяўка на конкурс» з арыгіналамі пакета конкурсных дакументаў і іх электроннай версіяй на адрас: г. Мінск, вуліца Карла Маркса, 40.

Сяргей РАСОЛЬКА

Фота з сайта БРСМ

Выбар рэдакцыі

Палітыка

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Беларусь і Кітай адзначаюць адметную дату — 30-годдзе ўстанаўлення дыпламатычных адносін.

Грамадства

Дзе падпрацаваць пасля Новага года?

Дзе падпрацаваць пасля Новага года?

Псіхолагі раяць пачынаць не з маніторынгу рынку, а з некалькіх пытанняў самому сабе — каб вызначыцца з прыярытэтамі.

Грамадства

Уладзімір Мішчанчук: Марым аб брыльянтавым вяселлі

Уладзімір Мішчанчук: Марым аб брыльянтавым вяселлі

Уладзімір Мішчанчук — заслужаны артыст БССР, дэкан тэатральнага факультэта Беларускай дзяржаўнай акадэміі мастацтваў, прафесар.

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.