Вы тут

У Рэспубліканскім доме моладзі журы падвяло вынікі конкурсу «Валанцёр года — 2021»


Гэта зрабілі прадстаўнікі міністэрстваў адукацыі, працы і сацыяльнай абароны, БРСМ, Рэспубліканскага валанцёрскага цэнтра, Нацыянальнага цэнтра мастацкай творчасці дзяцей і моладзі, Рэспубліканскага цэнтра экалогіі і краязнаўства. Журы разгледзела 63 заяўкі і вызначыла пераможцаў сярод трох катэгорый моладзі ў традыцыйных намінацыях праекта «Асабісты ўклад», «Найлепшы валанцёрскі атрад», а таксама новых — «Промаролік» і «Валанцёрская песня». Таксама сёлета калегіяльным рашэннем ЦК БРСМ заснавана дадатковая намінацыя конкурсу. Вырашана аддзячыць гуманітарных валанцёраў за іх бескарыслівую працу ў складанай сітуацыі на беларуска-польскай граніцы. Як адзначаецца, гэта цудоўная нагода сказаць «дзякуй» добраахвотнікам, у тым ліку і валанцёрам граніцы. Для іх заснавана спецыяльная прэмія (намінацыя) «Гуманітарныя валанцёры Беларусі». Імёны ўсіх пераможцаў стануць вядомыя 4 снежня, напярэдадні Міжнароднага дня добраахвотнікаў, падчас фінальнага мерапрыемства ў Мінску.


Конкурс, накіраваны на папулярызацыю і развіццё валанцёрскага руху ў Беларусі, выяўленне і заахвочванне лідараў валанцёрскага руху, праводзіўся ў лістападзе ў тры туры (раённы, абласны, рэспубліканскі). Арганізавалі праект Беларускі рэспубліканскі саюз моладзі, Міністэрства адукацыі, Рэспубліканскі інстытут вышэйшай школы, абласныя (Мінскі гарадскі) выканаўчыя камітэты, грамадскія арганізацыі і аб'яднанні.

Сяргей РАСОЛЬКА

Фота з сайта БРСМ

Загаловак у газеце: Для добраахвотнікаў граніцы — свая намінацыя

Выбар рэдакцыі

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў.