Дабрачынную акцыю «Рабіць дабро зусім не складана» запускае Цэнтральная гарадская бібліятэка імя К. Маркса сумесна з сацыяльна-педагагічным цэнтрам Ленінскага раёна г.Магілёва ў абласным цэнтры з 1 снежня. Аб гэтым паведамілі ва ўстанове культуры, перадае БелТА.
«Стаць удзельнікам нашай акцыі можа любы ахвочы. Для гэтага неабходна прынесці канцтавары і школьныя прыналежнасці, сродкі асабістай гігіены, новую вопратку і абутак для дзяцей школьнага ўзросту, прысмакі, пазнавальныя і развіваючыя цацкі ў бібліятэку па адрасе: вул. Першамайская, 30», — адзначылі ў бібліятэцы.
Усе прынесеныя падарункі будуць перададзены сем’ям, дзе выхоўваюцца дзеці-сіроты і дзеці, якія засталіся без апекі бацькоў і маюць патрэбу ў дадатковай дапамозе і падтрымцы.
Дабрачынная акцыя працягнецца да 20 снежня.
Прэв’ю: pixabay.com
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».