Сталічнае прадпрыемства «Мінскрэклама» па традыцыі да першага зімовага месяца ўпрыгожвае горад навагоднімі ёлкамі. Вось і сёлета спецыялісты механазборачных работ фірмы ўжо паспелі ўсталяваць і аздобіць шмат зялёных (хай сабе і штучных) прыгажунь: каля Палаца спорту і Нацыянальнай бібліятэкі, на плошчы Незалежнасці і каля Лядовага палаца, у Лошыцкім парку і каля філармоніі, а таксама на іншых пляцоўках. Адзін з удзельнікаў падрыхтоўкі горада да свята — Павел Петухоў. Трэці год ён працуе ў «Мінскрэкраме» і ў пераднавагодні сезон разам з брыгадай афарміцеляў прыбірае карункамі і шарамі наш спрадвечны сімвал. Сёлета Паўлу выпаў гонар усталёўваць і ўпрыгожваць галоўную ёлку сталіцы на Кастрычніцкай плошчы — каля Палаца Рэспублікі. Па некалькі разоў на дзень пры дапамозе аўтавышкі спецыяліст падымаецца на вышыню і надзейна мацуе люстраныя рознакаляровыя шары. І з кожным пад'ёмам зялёная прыгажуня ўсё больш набывае свой адметны вобраз і непаўторнасць.
Анатоль КЛЯШЧУК
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
