Вы тут

Мінчанін прысуджаны да 4 гадоў пазбаўлення волі за ДТЗ у п’яным выглядзе


Вінаватага ДТЗ у Асіповіцкім раёне прысудзілі да 4 гадоў пазбаўлення волі. Пра гэта паведаміла афіцыйны прадстаўнік УСК па Магілёўскай вобласці Таццяна Старасотнікава, перадае БелТА.


Па дадзеных следства, днём 3 ліпеня 43-гадовы жыхар Мінска, рухаючыся ў нецвярозым стане на аўтамабілі Nissan па грунтава-гравійнай дарозе ў Асіповіцкім раёне, не абраў бяспечную хуткасць, развіўшы яе да 82 км/г. Як вынік — на вільготнай дарозе яго аўтамабіль занесла. Ён выехаў за межы праезнай часткі і ўрэзаўся ў дрэва.

У выніку ДТЗ пасажырам аўто — жанчынам 44 і 67 гадоў — прычыненыя цяжкія цялесныя пашкоджанні. Пацярпеў і сам кіроўца. Згодна з заключэннем судова-медыцынскай экспертызы, у яго таксама выяўленыя цяжкія цялесныя пашкоджанні. Менш за ўсё пацярпеў непаўнагадовы пасажыр, у якога дыягнаставаны ўдар і ранкі.

Згодна з медыцынскім аглядам, канцэнтрацыя алкаголю ў крыві ў кіроўцы склала 1,7 праміле. Мужчына ў лютым гэтага года быў пазбаўлены права кіравання за паездку ў нецвярозым стане.

Следчым дапытаныя абвінавачаны і сведкі, спецыялістамі ДКСЭ праведзеныя экспертныя даследаванні, якія вывучаныя і далучаныя да матэрыялаў крымінальнай справы.

Дзеянні 43-гадовага жыхара Мінска следчымі кваліфікаваныя па ч. 4 арт. 317 Крымінальнага кодэкса.

Суд першай інстанцыі прысудзіў мужчыну да 4 гадоў пазбаўлення волі з адбываннем пакарання ў папраўчай калоніі ва ўмовах пасялення з пазбаўленнем права займацца дзейнасцю, звязанай з кіраваннем транспартнымі сродкамі, на 6 гадоў. Аўтамабіль па рашэнні суда падлягае спецыяльнай канфіскацыі.

Скрыншот запісу відэарэгістратара, усталяванага ў аўтамабілі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».