Вы тут

Гадавальнік «Сад мары» створаць па ініцыятыве жыхароў Віцебскага раёна


Ад перапрацоўкі пладова-ягаднай прадукцыі да рэабілітацыі пасля COVID-19: у Віцебскім раёне ў 2022 годзе рэалізуюць праект грамадзянскай ініцыятывы па стварэнні «Саду мары». Аб гэтым паведаміла дырэктар тэрытарыяльнага цэнтра сацыяльнага абслугоўвання насельніцтва (ТЦСАН) Віцебскага раёна Кацярына Лазоўская, перадае БелТА.


Праект стаў адным з пераможцаў грамадзянскіх ініцыятыў Віцебскай вобласці. Рэалізуюць яго жыхары гарадскога пасёлка Янавічы. Побач з аддзяленнем дзённага знаходжання для грамадзян пажылога ўзросту ТЦСАНа разаб’юць гадавальнік з пладова-ягаднымі раслінамі, цяпліцай і кветкавымі кветнікамі. Спецыялісты батанічнага саду Віцебскага дзяржаўнага ўніверсітэта імя П. М. Машэрава дапамогуць ініцыятыўнай групе падабраць лепшыя сарты і вызначыцца з напаўненнем кветкавых клумбаў. «Асноўнымі мэтамі праекта стануць уцягванне пажылых грамадзян у працу ў будучым гадавальніку і абмен вопытам з моладдзю па перапрацоўцы і вырабе экалагічна чыстай і карыснай прадукцыі — варэння, узвараў, пасцілы, сухафруктаў», — распавяла кіраўнік ініцыятыўнай групы і загадчыца аддзялення Людміла Кухарава.

Для перапрацоўкі пладоў і ягад закупяць неабходнае абсталяванне: сушылку, маразільную камеру, халадзільнік, мульціварку. Старэйшае пакаленне янавічан пасля збору ўраджаю будзе даваць майстар-класы ўнукам, як можна кансерваваць і нарыхтоўваць на зіму дары саду.

Тут жа будуць адпачываць і праходзіць рэабілітацыю пацыенты Янавіцкай бальніцы, асабліва пасля лячэння ад COVID-19. Раслінны астравок будуць наведваць і навучэнцы Янавіцкай сярэдняй школы, якая мае багатыя традыцыі экалагічнага выхавання і дзе функцыянуе свой экацэнтр. Хлопчыкі і дзяўчынкі таксама дапамогуць пажылым даглядаць за зялёнымі насельнікамі гадавальніка.

Прэв’ю: pexels.com

Выбар рэдакцыі

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.