Вы тут

Лукашэнка прапануе Расіі перайсці ў гандлі газам і нафтай на расійскі рубель, але там адмаўляюцца


Прэзідэнт Беларусі Аляксандр Лукашэнка прапануе Расіі перайсці ў гандлі газам і нафтай на расійскі рубель, але там адмаўляюцца. Аб гэтым Прэзідэнт Беларусі Аляксандр Лукашэнка заявіў у інтэрв’ю генеральнаму дырэктару міжнароднага інфармацыйнага агенцтва «Россия сегодня» Дзмітрыю Кісялёву, паведамляе БелТА.


Фота: БелТА

Кіраўнік дзяржавы адзначыў, што пры эканамічнай інтэграцыі павінна захоўвацца канкурэнцыя, але і павінны быць роўныя ўмовы. «Можа, калі-небудзь нашы спецыялісты і вашыя пагодзяцца і мы прыйдзем да адзінай валюты. Але пакуль мы не можам перайсці на гандаль паміж намі, а гэта вялізныя аб’ёмы, гэта пад $50 млрд, мы не можам перайсці на нацыянальныя валюты. Я прапаную: слухайце, давайце пяройдзем на расійскі рубель у гандлі прыродным газам, нафтай і гэтак далей», — сказаў Прэзідэнт.

«І што?» — пацікавіўся Дзмітрый Кісялёў.

«Не (адказ расійскага боку. — Заўвага. БелТА)», — канстатаваў Аляксандр Лукашэнка.

На пытанне, чаму так, ён адказаў: «Ну, спытаеце ў Мішусціна (прэм’ер-міністр Расіі Міхаіл Мішусцін. — Заўв. БелТА), у вашых спецыялістаў, чаму яны. А трэба праз гэта прайсці».

У інтэрв’ю Аляксандр Лукашэнка таксама заявіў, што пасля прыняцця 28 саюзных праграм цяпер неабходна зрабіць заканадаўчыя змяненні, распрацаваць адпаведныя нарматыўныя прававыя акты, каб рэалізаваць гэтыя праграмы. «І мы пачалі ўжо шмат рабіць. Гэта нам дасць адзіную эканамічную прастору, што ў Расіі, што ў Беларусі. Не будзе розніцы ў цэнах. Дапусцім, газ: у нас $128 за тысячу кубоў. У Расіі — да $80. Розніца вялікая. Нам няважна, колькі гэта будзе каштаваць — 300, 400 або 50. Галоўнае, каб для нашых суб’ектаў былі роўныя ўмовы, вось у чым пытанне, — падкрэсліў беларускі лідар. — І да гэтага каб прыйсці, нам трэба вырашыць яшчэ шэраг нейкіх пытанняў: мытня, падаткі і гэтак далей, каб і ў вас людзі бачылі, што ў нас аднолькавае коштаўтварэнне на прыродны газ, нафту і іншае, і яны разумелі, што Беларусь — гэта не чужая краіна, і яна для Расіі робіць гэта, гэта і гэта. І празрыстасць».

Выбар рэдакцыі

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.