Вы тут

Жыхар Гродна незаконна завалодаў больш за Br23 тыс.: следчыя ўстанаўліваюць пацярпелых


Гродзенскі міжраённы аддзел Следчага камітэта расследуе крымінальную справу ў дачыненні да 33-гадовага жыхара абласнога цэнтра, які падазраецца ва ўчыненні ашуканскіх дзеянняў, паведаміла афіцыйны прадстаўнік УСК па Гродзенскай вобласці Іна Пазняк.


Згодна з матэрыяламі крымінальнай справы, падазроны ў студзені гэтага года пад маркай абмену аўтамабіля пацярпелага на іншы завалодаў транспартным сродкам коштам Br5 тыс. Пры гэтым мужчына загадзя не меў намеру выконваць прынятыя на сябе абавязацельствы. Затым у маі пад маркай аказання дапамогі ў продажы аўтамабіля свайго знаёмага падазраваны завалодаў яго машынай коштам $2,7 тыс. У гэтым выпадку для стварэння бачнасці выканання абавязацельстваў ён перадаў пацярпеламу $500. Яшчэ аднаму пацярпеламу ў маі ён абяцаў аказаць дапамогу ў рамонце аўтамабіля, аднак насамрэч не меў намеру гэтага рабіць. Мужчына завалодаў транспартным сродкам коштам $5 тыс.

Падазроны працягваў выходзіць з пацярпелымі на сувязь, прыдумляў розныя адгаворкі і версіі, зацягваў тэрміны выканання абавязацельстваў. У рэчаіснасці ён рэалізоўваў аўтамабілі праз сайты ў інтэрнэце, атрыманыя сродкі траціў на асабістыя патрэбы, у тым ліку ў ігральных установах горада.

Здзяйсняючы супрацьпраўныя дзеянні, 33-гадовы жыхар Гродна завалодаў маёмасцю пацярпелых на агульную суму больш як Br23 тыс. Дзеянні мужчыны кваліфікаваны па ч.3 арт.209 (махлярства, учыненае ў буйным памеры) КК.

Раней ён неаднаразова судзімы, у тым ліку за ўчыненне наўмысных злачынстваў, сярод якіх махлярства, учыненае ў буйным памеры. Пры гэтым з моманту вызвалення з месцаў пазбаўлення свабоды з вясны 2020 года мужчына нідзе не працаваў. Падазроны затрыманы, з яго ўдзелам праводзяцца следчыя і іншыя працэсуальныя дзеянні.

Прэв’ю: pixabay.com

Выбар рэдакцыі

Палітыка

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Се Сяаюн: Супрацоўніцтва Кітая і Беларусі — прыклад міжнародных адносін новага тыпу

Беларусь і Кітай адзначаюць адметную дату — 30-годдзе ўстанаўлення дыпламатычных адносін.

Грамадства

Дзе падпрацаваць пасля Новага года?

Дзе падпрацаваць пасля Новага года?

Псіхолагі раяць пачынаць не з маніторынгу рынку, а з некалькіх пытанняў самому сабе — каб вызначыцца з прыярытэтамі.

Грамадства

Уладзімір Мішчанчук: Марым аб брыльянтавым вяселлі

Уладзімір Мішчанчук: Марым аб брыльянтавым вяселлі

Уладзімір Мішчанчук — заслужаны артыст БССР, дэкан тэатральнага факультэта Беларускай дзяржаўнай акадэміі мастацтваў, прафесар.

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.