Брытанскі вулічны мастак Бэнксі мае намер ахвяраваць $13,2 млн, каб ператварыць у цэнтр сучаснага мастацтва былы будынак Рэдынгскай турмы. Будынак сярэдзіны XIX стагоддзя з’яўляецца помнікам архітэктуры віктарыянскай эпохі і пустуе з 2013 года, перадае ТАСС са спасылкай на выданне The Sunday Times.
На рэканструкцыю пойдуць прыбыткі ад продажу трафарэта, скарыстанага Бэнксі для стварэння графіці на сцяне турмы, якой прысвяціў паэму брытанскі паэт і драматург Оскар Уайльд.
Трафарэт, выстаўлены зараз у мастацкай галерэі Брыстоля — роднага горада Бэнксі, плануецца прадаць зацікаўленаму калекцыянеру за суму амаль $20 млн, не робячы аўкцыён. Выкарыстаныя майстрам графіці трафарэты — выключная рэдкасць, вядомы толькі адзіны выпадак продажу аднаго з іх, што тлумачыць выключна высокі ацэначны кошт прадмета.
Максімальная сума, якая калі-небудзь была выручана за работы Бэнксі, складае $25,4 млн. Столькі ў кастрычніку заплацілі за малюнак «Каханне ў смеццевым баку», які атрымаў сусветную вядомасць пасля таго, як падчас аўкцыёну яго ледзь не знішчыў шродэр, які сам аўтар употай усталяваў прама ў карціннай раме.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
