Вы тут

Прэзідэнт Беларусі сустрэўся з сербскім парламентарыем Драгамірам Карычам


Драгамір Карыч — дэпутат парламента Сербіі, старшыня дэпутацкай групы сяброўства з Беларуссю ў сербскім парламенце, Ганаровы консул нашай краіны ў Бялградзе. Кампанія «Браты Карычы», саўладальнікам якой з’яўляецца Драгамір Карыч, рэалізуе ў нашай краіне буйныя інвестыцыйныя праекты ў будаўніцтве.


«Што датычыцца адносін з роднай Сербіяй, я думаю, праблем фактычна няма. У тым ліку дзякуючы дэпутату парламента, — пачаў размову Прэзідэнт Беларусі. — Дзякуючы вашаму імкненню, такой напорыстасці ў нас добрыя адносіны». 

Аляксандр Лукашэнка дадае, што Драгамір Карыч як сябар Беларусі заўсёды «падштурхоўваў» да супрацоўніцтва і Прэзідэнтаў краін. 

«Я вельмі рады, што вы прызямліліся ў Беларусі. Знайшлі сваё месца, працуеце. У Беларусі вас вельмі добра ведаюць. Мяркую, што самая вядомая будаўнічая кампанія — гэта ваша. Нават нашы кампаніі не такія вядомыя, як яна. Яна распіярыная, раскручаная, ды і добра будуе», — заўважае кіраўнік краіны.

Ён дзеліцца: заўсёды захапляўся югаслаўскімі будаўнікамі, якім удалося стандарты якасці падняць на высокі ўзровень. Таму і сёння ўзвядзенне асобных аб’ектаў у беларускай сталіцы сербскім бізнесам ідзе хутчэй за тэрміны.

«Мы рады, што ў нас ёсць такая кампанія, якая эфектыўна працуе», — дадаў Аляксандр Лукашэнка.

Прэзідэнт Беларусі перадае прывітанне свайму сербскаму калезе і пацвярджае: Беларусь застаецца добрым сябрам для сербскага народа.

«Павінен вам сказаць, што практычна на кожнай сустрэчы з Прэзідэнтам Пуціным мы гаворым пра Балканы. А на Балканах у нас хто? Сербія. Сербія — заўсёды была кропкай апоры для славянства. Яна і сёння такой застаецца», — сцвярджае кіраўнік краіны.

На яго думку, асаблівую блізкасць балканскай дзяржавы пацвярджае нядаўняя сустрэча Прэзідэнта Сербіі Аляксандра Вучыча з Уладзімірам Пуціным. «Сваіх надзейных людзей ён (Уладзімір Пуцін. — „Зв.“) з задавальненнем вітае», — адзначае кіраўнік краіны.

Аляксандр Лукашэнка заяўляе, што і «Беларусь заўсёды поўная рашучасці, наколькі гэта магчыма, падтрымліваць Сербію і сербскі народ».

Прэзідэнт заяўляе, што падтрымку бачыць сёння і з боку Сербіі, галоўным застаецца адно — вытрываць. Суразмоўцы ўспомнілі ваенныя падзеі ў Сербіі ў 90-х. Як адзначыў Прэзідэнт Беларусі, ён на ўласныя вочы бачыў, як сыпаліся бомбы на галовы сербаў, калі бамбілі Бялград.

«Прайшоўся гэты складаны шлях, нам трэба абавязкова вытрымаць. Мне здаецца, выстаім», — падкрэсліў Аляксандр Лукашэнка.


Каментарый у тэму

Драгамір Карыч падзяліўся з журналістамі, што санкцыі з’яўляюцца актыватарам для магчымасцяў і ўзмацнення краіны.«Захад не мае рацыі, калі ўводзіць санкцыі. Санкцыі несумленныя», — дадае парламентарый.

Ён адзначыў, што ўсе складанасці пройдуць, а ў Беларусі не можа кіраваць ніхто, акрамя народа. «Не можа тут кіраваць ніхто іншы акрамя беларускага народа. Не можа выбіраць ніхто іншы, акрамя беларускага народа. У нас таксама ёсць такія праблемы — Сербія пастаянна ў нечым вінаватая. Куды мы не павярнуліся б, ідуць удары. Таму наша сяброўства захаваем — гэта самае каштоўнае», — рэзюмуе Драгамір Карыч.

Марыя ДАДАЛКА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.